មធ្យោបាយបង្ការការមានផ្ទៃពោះ

វិគី ព័ត៌មាន សុខភាព > សកម្មភាពដើម្បីសុខភាពរបស់ស្ត្រី > ជំពូក ៧ ៖ ការការពារសុខភាពស្ត្រី ដោយប្រើប្រាស់សេវាផែនការគ្រួសារ > មធ្យោបាយបង្ការការមានផ្ទៃពោះ

នៅក្នុងជំពូកនេះ ៖

 

នៅក្នុងជំពូកនេះ ៖

• ជំពូក ៧ ៖ ការការពារសុខភាពស្ត្រី ដោយប្រើប្រាស់សេវាផែនការគ្រួសារ
• ការចាប់ផ្តើមនិយាយអំពីផែនការគ្រួសារ
• មធ្យោបាយបង្ការការមានផ្ទៃពោះ
• ធ្វើឲ្យផែនការគ្រួសារអាចទៅរកបាន
• ផ្លាស់ប្តូរឥរិយាបថអំពីផែនការគ្រួសារ

ស្ត្រីដែលចង់ការពារកុំឲ្យមានផ្ទៃពោះ អាចធ្វើការសម្រេចចិត្តបានល្អប្រសើរអំពីការប្រើប្រាស់ការពន្យារកំណើត នៅពេលដែលពួកគេអាចជ្រើសរើសពីមធ្យាបាយជាច្រើន។ ពួកគេក៏ត្រូវការព័ត៌មានត្រឹមត្រូវនិងច្បាស់លាស់អំពីរបៀបប្រើប្រាស់ មធ្យោបាយនីមួយៗ ហើយមធ្យោបាយនីមួយៗបង្ការការមានផ្ទៃពោះបានល្អកម្រិតណា ប្រសិនបើប្រើប្រាស់បានត្រឹម ត្រូវ។ បុរសក៏កាន់តែគាំទ្រផែនការគ្រួសារ នៅពេលពួកគយល់ដឹងអំពីមធ្យោបាយផ្សេងៗគ្នានិងរបៀបប្រើប្រាស់ពួកវា។

ដើម្បីប្រើមធ្យោបាយពន្យារកំណើតឲ្យបានត្រឹមត្រូវ ទាំងស្ត្រីនិងបុរស ត្រូវការយល់ដឹងអំពីរាងកាយពួកគេ និងចំណូលចិត្ត ផ្លូវភេទពួកគេ។ ជំហានដំបូង គឺត្រូវបានរៀនអំពីរបៀបដែលប្រដាប់ភេទរបស់ស្ត្រី និងបុរសធ្វើការ របៀបដែលការបង្កកំណើតរបស់ស្ត្រីទាក់ទងទៅនឹងឈាមរដូវប្រចាំខែ និងតើមានអ្វីកើតឡើងក្នុងអំឡុងពេលរួមភេទ។ សម្រាប់ព័ត៌មានបន្ថែម សូមមើលជំពូកទី៤ : ការរួមភេទនិងសុខភាពផ្លូវភេទ និងជំពូកទី៤ នៃ សៀវភៅទីណាដែលស្រ្តីគ្មានវេជ្ជបណ្ឌិត។

ស្ត្រីណាដែលចាប់ផ្តើមមានឈាមរដូវប្រចាំខែ អាចប្រើប្រាស់ការពន្យាកំណើតបាន។ ស្ត្រីផ្សេងគ្នាចូលចិត្តមធ្យោបាយផ្សេងគ្នា សម្រាប់ហេតុផលផ្សេងគ្នា នៅពេលផ្សេងគ្នានៅក្នុងជីវិតពួកគេ។ ឧទាហរណ៍ ស្ត្រីម្នាក់អាចចូលចិត្តមធ្យោបាយ មួយនៅពេលដែលនាងនៅក្មេង និងមុនពេលដែលនាងមានកូន។ មធ្យោបាយផ្សេងទៀត អំឡុងពេលដែលនាង"ទុក ចន្លោះ " កូនដែលនាងចង់មាន ហើយនិងមធ្យោបាយមួយផ្សេងទៀត នៅពេលដែលនាងបានសម្រេចចិត្តមិនចង់មានកូនតទៅទៀត។

ជាអកុសល ស្ត្រីជាច្រើនមានមិនអាចបង្ការការមានផ្ទៃពោះ នៅពេលដែលពួកគេចង់នោះទេ ព្រោះថាពួកគេមិនមានព័ត៌មានត្រឹមត្រូវអំពីផែនការគ្រួសារ ឬពួកគេមិនអាចទទួលបានសេវាដែលផ្តល់នូវមធ្យោបាយនៃការពន្យាកំណើត។

មធ្យោបាយផ្សេងគ្នាសម្រាប់តម្រូវការផ្សេងគ្នា

មធ្យោបាយផែនការគ្រួសារដែលល្អបំផុត គឺជាមធ្យោបាយដែលមានប្រសិទ្ធភាព និងជាមធ្យោបាយដែលស្ត្រីម្នាក់មានផាសុខភាពបំផុតក្នុងការប្រើប្រាស់។ ព័ត៌មាននៅលើ៤ទំព័របន្ទាប់នេះ បង្ហាញពីប្រភេទផ្សេងៗគ្នានៃមធ្យោបាយ ដើម្បីជួយស្ត្រីម្នាក់សម្រេចចិត្តថាមួយណាអាចនឹងល្អបំផុតសម្រាប់នាង។

មធ្យោបាយពន្យាកំណើតទាំងអស់កាន់តែមានប្រសិទ្ធិភាព នៅពេលពួកវាត្រូវបានប្រើប្រាស់ត្រឹមត្រូវគ្រប់ពេល ដែលស្ត្រី ចង់បង្ការការមានផ្ទៃពោះ។ នេះអាចមានន័យថា ការប្រើប្រាស់ស្រោមអនាម័យត្រឹមត្រូវរាល់ពេលដែលនាងរួមភេទ ឬតែង តែលេបថ្នាំ នៅពេលដូចគ្នាជារៀងរាល់ថ្ងៃ។ បុគ្គលិកសុខាភិបាលដែលមានបទពិសោធន៍ អាចជួយដល់ស្ត្រីឲ្យសម្រេចចិត្តថា មធ្យោបាយមួយណាដែលត្រូវប្រើប្រាស់។

Dមធ្យោបាយផ្សេងគ្នាបង្ការការមានផ្ទៃពោះ ក្នុងរបៀបផ្សេងគ្នា

មធ្យោបាយរបាំង រារាំងទឹកកាមរបស់បុរសពីការឈានទៅដល់ពងជីវិតរបស់ស្ត្រី។ មធ្យោបាយទាំងនេះគឺត្រូវបានប្រើប្រាស់រាល់ពេលដែលស្ត្រីរួមភេទ។ ពួកគេមិនបានបង្កឲ្យមានការផ្លាស់ប្តូរណាមួយនៅក្នុងការបង្កកំណើតរបស់ស្ត្រី ឬឈាមរដូវប្រចាំខែនោះទេ។

ស្រោមអនាម័យ គឺជាមធ្យោបាយតែមួយគត់ ដែលបង្ការទាំងការមានផ្ទៃពោះ និងការពារពីជំងឺកាមរោគ រួមទាំងមេរោគ អេដស៍។ អ្នកអាចផ្សំស្រោមអនាម័យជាមួយនឹងអរម៉ូន ឬមធ្យោបាយមានប្រសិទ្ធិភាពផ្សេងៗទៀតនៃការពន្យាកំណើត។

មធ្យោបាយរបាំង
មធ្យោបាយផែនការគ្រួសារ		ការពារពីការមានផ្ទៃពោះ	ព័ត៌មានសំខាន់ផ្សេងៗ
ស្រោមអនាម័យសម្រាប់បុរស		ល្អ	មានប្រសិទ្ធភាពបំផុតនៅពេលប្រើប្រាស់ជាមួយសារធាតុសម្លាប់មេជីវិតឈ្មោល និងទឹករំអិល។ មានស្ទើរគ្រប់ទីកន្លែងដោយតម្លៃទាប ឬឥតគិតថ្លៃ។
ស្រោមអនាម័យសម្រាប់ស្ត្រី		ល្អ	ហាមប្រើប្រាស់ជាមួយស្រោមអនាម័យបុរស
ដ្យ៉ាហ្វ្រាម, គម្របមាត់ស្បូន		ល្អ	មានប្រសិទ្ធភាពបំផុតនៅពេលប្រើប្រាស់ជាមួយសារធាតុសម្លាប់មេជីវិតឈ្មោល។ ប្រសិទ្ធភាពនៅពេលប្រើប្រាស់ទំហំត្រឹមត្រូវប៉ុណ្ណោះ។ តម្រូវឲ្យ មានបុគ្គលិកសុខាភិបាលពិនិត្យ។ ការប្រើប្រាស់ ជាប្រចាំ នឹងតម្រូវឲ្យផ្លាស់ប្តូរបន្ទាប់ពីរយៈពេល ប្រហែល៥ឆ្នាំ។

មធ្យោបាយប្រើជាតិអ័រម៉ូន បញ្ឈប់អូវែរបស់ស្ត្រីជាបណ្តោះអាសន្នពីការបញ្ចេញពងជីវិត។ នៅពេលដែលស្ត្រីឈប់ប្រើប្រាស់មធ្យោបាយអ័រម៉ូន អូវែររបស់នាងនឹងផលិតពងជីវិតម្តងទៀត ហើយនាងអាចមានផ្ទៃពោះបាន លុះត្រាតែនាងចាប់ផ្តើមប្រើប្រាស់មធ្យោបាយផ្សេងទៀត។ មធ្យោបាយប្រើជាតិអរម៉ូន អាចជួយដល់ការធ្លាក់ឈាមរដូវពុំទៀងទាត់ និងការឈឺចាប់នៅពេលធ្លាក់ឈាមរដូវរបស់ស្ត្រី។ ចូរពិភាក្សាជាមួយបុគ្គលិកសុខាភិបាលដែលមានបទពិសោធន៍អំពីរបៀបប្រើប្រាស់ឲ្យបានត្រឹមត្រូវ និងផលរំខានដែលអាចកើតមាន។

<tr"> </tr>

មធ្យោបាយប្រើជាតិអ័រម៉ូន
មធ្យោបាយផែនការគ្រួសារ		ការពារពីការមានផ្ទៃពោះ	ព័ត៌មានសំខាន់ផ្សេងៗ
កងដាក់ក្រោមស្បែក		ល្អបំផុត	មានប្រសិទ្ធភាពពី៣ទៅ៥ឆ្នាំ។ ត្រូវបញ្ចូល និងដកចេញ ដោយបុគ្គលិកសុខាភិបាលដែលបានទទួល ការហ្វឹកហ្វឺន។
ថ្នាំចាក់ពន្យារកំណើត		ល្អណាស់	មានប្រសិទ្ធភាព១, ២ ឬ៣ខែ អាស្រ័យលើប្រភេទ
ថ្នាំលេបពន្យារកំណើត		ល្អណាស់	មានប្រសិទ្ធភាពបំផុតនៅពេលលេប១គ្រាប់ជារៀងរាល់ថ្ងៃនៅពេលដូចគ្នាមិនរំលងគ្រាប់ណាមួយ។

កងដាក់ក្នុងស្បូន គឺជាឧបករណ៍ប្លាស្ទិចតូចមួយដែល បានបញ្ចូលនៅក្នុងស្បូនរបស់ស្ត្រី។ កងដាក់ក្នុងស្បូនបងា្ករមេជីវិតឈ្មោលរបស់បុរសពីបង្កកំណើតជាមួយពងជីវិតរបស់ស្ត្រី។ កងដាក់ក្នុងស្បូន អាចនៅនឹងកន្លែងបានរាប់សិបឆ្នាំ។ នៅពេលដែលវាត្រូវបានដកចេញ ស្ត្រីនឹងមានលទ្ធភាពមានផ្ទៃពោះ។

កងដាក់ក្នុងស្បូន
មធ្យោបាយផែនការគ្រួសារ		ការពារពីការមានផ្ទៃពោះ	ព័ត៌មានសំខាន់ផ្សេងៗ
កងដាក់ក្នុងស្បូន		ល្អបំផុត	មានប្រសិទ្ធភាពពី៥ទៅ១២ឆ្នាំ អាស្រ័យលើប្រភេទ។ ត្រូវបញ្ចូល និងដកចេញ ដោយបុគ្គលិកសុខាភិបាលដែលបានទទួលការហ្វឹកហ្វឺនជាពិសេស។

ការពន្យារកំណើតអចិន្ត្រៃយ៍ គឺជាការវះកាត់ដែលធ្វើមិនឲ្យពងជីវិតរបស់ស្ត្រីក្នុងការបង្កកំណើតជាមួយមេជីវិតឈ្មោល របស់បុរស។ ការវះកាត់សម្រាប់បុរស គេហៅថា “ការវះចងបំពង់មេជីវិតឈ្មោល”។ ការវះកាត់សម្រាប់ស្ត្រី គេហៅថា "ការវះចងដៃស្បូន"។

ការពន្យារកំណើតអចិន្ត្រៃយ៍
មធ្យោបាយផែនការគ្រួសារ		ការពារពីការមានផ្ទៃពោះ	ព័ត៌មានសំខាន់ផ្សេងៗ
ការវះចង់បំពង់មេជីវិតឈ្មោល		ល្អបំផុត	ត្រី ឬបុរស នឹងមិនអាចមានកូនបន្ទាប់ពីការវះកាត់នេះ ប៉ុន្តែការវះកាត់នេះមិនប៉ះពាល់ដល់ចំណូលចិត្តផ្លូវភេទ ការត្រេកត្រអាល ឬសមត្ថភាពក្នុងការរួមភេទរបស់បុរស ឬស្ត្រីនោះទេ។
ការវះចងដៃស្បូន		ល្អបំផុត

មធ្យោបាយធម្មជាតិ គឺជាវិធី នៃការចៀសវាងការរួមភេទ (លិង្គដាក់ចូលទ្វារមាស) នៅពេលស្ត្រី អាចបង្កកំណើត។ ការរួមភេទ ដោយមិនបញ្ចូលលិង្គក្នុងទ្វារមាស តែងតែបង្ការការមានផ្ទៃពោះ។

មធ្យោបាយធម្មជាតិ
មធ្យោបាយផែនការគ្រួសារ		ការពារពីការមានផ្ទៃពោះ	ព័ត៌មានសំខាន់ផ្សេងៗ
ការរួមភេទ ដោយមិនបញ្ចូលលិង្គក្នុងទ្វារមាស		ល្អបំផុត	ការប៉ះពាល់ផ្លូវភេទកម្រនឹងចម្លងជំងឺកាមរោគណាស់។ ការរួមភេទតាមមាត់ មិនងាយចម្លងជំងឺកាមរោគទេ។ ការរួមភេទតាមរន្ធគូថងាយនឹងចម្លងមេរោគអេដស៍ និង ជំងឺកាមរោគដទៃទៀត។ ចូរប្រើប្រាស់ស្រោមអនាម័យ ជានិច្ចនៅពេលរួមភេទតាមរន្ធគូថ។
ការបំបៅដោះ (រយៈពេល៦ខែដំបូង ប៉ុណ្ណោះ)		ល្អណាស់	ដើម្បីប្រើប្រាស់វិធីនេះ ស្ត្រីត្រូវតែបំបៅដោះតែមួយមុខ មិនផ្តល់សូម្បីតែទឹក សម្រាប់រយៈពេល៦ខែដំបូង ហើយការធ្លាក់ឈាមរដូវប្រចាំខែ មិនទាន់មាននៅឡើយ។
ការយល់ដឹងអំពីការបង្កកំណើត		ល្អ	ស្ត្រីត្រូវដឹងថានៅពេលណានាងបង្កកំណើត ហើយនាង មិនត្រូវរួមភេទដោយដាក់បញ្ចូលលិង្គ អំឡុងពេលបង្ក កំណើត។ ស្ត្រីខ្លះប្រើប្រាស់ស្រោមអនាម័យ ឬដ្យ៉ាហ្វ្រាម (គម្របមាត់ស្បូន) នៅពេលបង្កកំណើត ជំនួសឲ្យការបញ្ចៀសការរួមភេទ។
ការដកចេញ		តិចបំផុត	អាចជាការលំបាកក្នុងការធ្វើឲ្យមានប្រសិទ្ធិភាព។ សូម្បីតែបុរសដកចេញ សារធាតុរាវមួយចំនួនចេញពីលិង្គ អាចចូលក្នុងទ្វារមាសក្នុងពេលរួមភេទ ដែលអាច បណ្តាលឲ្យមានផ្ទៃពោះបាន។

នេះជាឧទាហរណ៍នៃស្ថានភាព និងមធ្យោបាយដែលអាចនឹងចូលចិត្ត:

ខ្ញុំចង់មានការធ្លាក់ឈាមរដូវប្រចាំខែដដែល។ ខ្ញុំមិនចង់ធ្វើអ្វីដដែលៗ ជារៀងរាល់ថ្ងៃ។
អ្នកអាចនឹងចូលចិត្ត: មធ្យោបាយរបាំង, កងដាក់ក្នុងស្បូន អ្នកអាចនឹងចៀសវាង: កងដាក់ក្រោមស្បែក, ថ្នាំចាក់ពន្យារកំណើត	អ្នកអាចនឹងចូលចិត្ត: កងដាក់ក្រោមស្បែក, ថ្នាំចាក់ពន្យារកំណើត, កងដាក់ក្នុងស្បូន អ្នកអាចនឹងចៀសវាង: ថ្នាំលេបពន្យារកំណើត, មធ្យោបាយធម្មជាតិ
ខ្ញុំមិនចង់ឲ្យឳពុកម្តាយខ្ញុំដឹងថា ខ្ញុំកំពុងប្រើការពន្យារកំណើត។ ខ្ញុំមិនចង់ដាក់អ្វីមួយក្នុងទ្វារមាស ឬស្បូនរបស់ខ្ញុំ។
អ្នកអាចនឹងចូលចិត្ត: ថ្នាំចាក់ពន្យារកំណើត, មធ្យោបាយរបាំង អ្នកអាចនឹងចៀសវាង: ថ្នាំលេបពន្យារកំណើត, កងដាក់ក្រោមស្បែក	អ្នកអាចនឹងចូលចិត្ត: មធ្យោបាយប្រើជាតិអ័រម៉ូន, ស្រោម អនាម័យបុរស, មធ្យោបាយធម្មជាតិ អ្នកអាចនឹងចៀសវាង: ដ្យ៉ាហ្វ្រាម(គម្របមាត់ស្បូន), ស្រោមអនាម័យស្ត្រី, កងដាក់ក្នុងស្បូន
ខ្ញុំចង់រួមភេទពេលណាក៏បាន ដោយគ្មានការរំខាន។ ខ្ញុំមិនចង់មានកូនទៀតទេ។
អ្នកអាចនឹងចូលចិត្ត: មធ្យោបាយប្រើជាតិអ័រម៉ូន, កងដាក់ក្នុងស្បូន អ្នកអាចនឹងចៀសវាង: មធ្យោបាយរបាំង, មធ្យោបាយ ធម្មជាតិ	អ្នកអាចនឹងចូលចិត្ត: ការវះចងដៃស្បូន, កងដាក់ក្រោមស្បែក, ថ្នាំចាក់ពន្យារកំណើត, កងដាក់ក្នុងស្បូន អ្នកអាចនឹងចៀសវាង: មធ្យោបាយធម្មជាតិ, មធ្យោបាយរបាំង, ថ្នាំលេបពន្យារកំណើត

ខ្ញុំចង់មានកូនអំឡុងពេល១ឆ្នាំ។ ខ្ញុំគិតថាដៃគូរបស់ខ្ញុំរួមភេទជាមួយអ្នកដទៃ និងអាចចម្លងជំងឺកាមរោគមកខ្ញុំ។
អ្នកអាចនឹងចូលចិត្ត: មធ្យោបាយរបាំង, ថ្នាំលេបពន្យារកំណើត, មធ្យោបាយធម្មជាតិ អ្នកអាចនឹងចៀសវាង: កងដាក់ក្រោមស្បែក, ថ្នាំចាក់ពន្យារកំណើត, កងដាក់ក្នុងស្បូន, ការវះចងដៃស្បូន	អ្នកអាចនឹងចូលចិត្ត: ស្រោមអនាម័យបុរស ឬស្ត្រី អ្នកអាចនឹងចៀសវាង: ចៀសវាងការរូមភេទដោយមិនប្រើ ស្រោមអនាម័យ
ខ្ញុំកំពុងបំបៅដោះកូន។ ខ្ញុំមិនចង់មានកូនមួយទៀតទេ ក្នុងរយៈពេលយ៉ាងតិច២ឆ្នាំ។ ដៃគូខ្ញុំមិនចង់ពាក់ព័ន្ធនឹងការប្រើប្រាស់មធ្យោបាយពន្យារកំណើត។
= អ្នកអាចនឹងចូលចិត្ត: ស្រោមអនាម័យបុរស ឬស្ត្រី, ដ្យ៉ាហ្វ្រាម(គម្របមាត់ស្បូន), កងដាក់ក្រោមស្បែក, កងដាក់ក្នុងស្បូន, ថ្នាំលេប(គ្រាប់តូច)ពន្យារកំណើត, ថ្នាំចាក់ Progestin ប៉ុណ្ណោះ។ អ្នកអាចនឹងចៀសវាង: ថ្នាំលេបបញ្ចូលគ្នា, ថ្នាំចាក់រហូត ដល់ទារកមានអាយុ៦ខែ, ឬមានឈាមរដូវប្រចាំខែវិញ	អ្នកអាចនឹងចូលចិត្ត: ស្រោមអនាម័យស្ត្រី, ដ្យ៉ាហ្វ្រាម(គម្របមាត់ស្បូន), មធ្យោបាយប្រើជាតិអ័រម៉ូន, កងដាក់ក្នុងស្បូន អ្នកអាចនឹងចៀសវាង: ស្រោមអនាម័យបុរស, មធ្យោបាយធម្មជាតិ

មធ្យោបាយពន្យារកំណើតបន្ទាន់

ស្ត្រីអាចប្រើប្រាស់មធ្យោបាយការពន្យារកំណើតបន្ទាន់ (គេហៅផងដែរថា ផែនការបេ) ដើម្បីបង្ការការមានផ្ទៃពោះក្រោយពីការរួមភេទដោយមិនប្រើប្រាស់មធ្យោបាយពន្យាកំណើត ឬប្រើប្រាស់មធ្យោបាយ មិនបានត្រឹមត្រូវ។ ឧទាហរណ៍ មធ្យោបាយការពន្យារកំណើតបន្ទាន់ អាចធ្វើបានត្រូវបានប្រើប្រាស់ ប្រសិនបើកញ្ចប់ស្រោមអនាម័យមានរន្ធតូចមួយ ឬ រហែក ដែលអាចនឹងខូចស្រោមអនាម័យ។ ឬស្រោមអនាម័យ បានដាច់រលាត់ ក្នុងពេលរួមភេទ។ ឬស្ត្រីភ្លេចលេបថ្នាំពន្យារកំណើតរបស់នាងអស់រយៈពេលច្រើនជាងមួយថ្ងៃ។

ផែនការបេ គឺជាថ្នាំលេបពន្យារកំណើតស្ថិតក្នុងប្រភេទអ័រម៉ូនដូចគ្នា ដែលមានកម្រិតដូសខ្ពស់ ដែលត្រូវលេបភ្លាមៗរយៈពេលដល់៥ថ្ងៃ បន្ទាប់ពីការរួមភេទ។ វាក៏អាចត្រូវបានលេបក្នុងចំនួនជាក់លាក់នៃប្រភេទនៃថ្នាំលេបពន្យារកំណើតជាទៀងទាត់មួយចំនួន ប្រសិនបើផែនការបេ គឺមិនអាចរកបាន។ មធ្យោបាយពន្យារកំណើតបន្ទាន់ផ្សេងទៀត គឺដាក់កងក្នុងស្បូន ដែលត្រូវបានបញ្ចូលដោយបុគ្គលិកសុខាភិបាលទទួលការបណ្តុះបណ្តាលយ៉ាងពិសេស ក្នុងរយៈពេល៥ថ្ងៃ បន្ទាប់ពីការរួមភេទ។

ស្ត្រីទាំងអស់គួរតែយល់ដឹងអំពីមធ្យោបាយពន្យារកំណើតបន្ទាន់ និងអាចប្រើប្រាស់វា ប្រសិនបើពួកគេត្រូវការ។ ស្ត្រីជាច្រើន ជាពិសេសយុវជន មានសម្ពាធ ឬបង្ខំឲ្យរួមភេទ ដោយគ្មានការការយល់ព្រម ឬប្រភេទនៃផែនការណាមួយ។ មធ្យោបាយពន្យារកំណើតបន្ទាន់ ក៏អាចជួយស្ត្រីបងា្ករការមានផ្ទៃពោះ បន្ទាប់ពីត្រូវបានចាប់រំលោភសេពសន្ថវៈ។ ជាអកុសល ព័ត៌មានអំពីមធ្យោបាយការពន្យារកំណើតបន្ទាន់ មិនមាននៅកន្លែងជាច្រើន។ ប្រសិនបើ ព័ត៌មានអំពីមធ្យោបាយពន្យារកំណើតបន្ទាន់ មិនត្រូវបានគេស្គាល់ នៅក្នុងសហគមន៍របស់អ្នក , សូមពិគ្រោះជាមួយនឹងបុគ្គលិកសុខាភិបាល គ្រូបង្រៀន និងអ្នកដឹកនាំសហគមន៍ ដែលមានចំណាប់អារម្មណ៍ក្នុងការបង្ការការមានផ្ទៃពោះមិនសមតាមបំណង ជាពិសេសក្នុងចំណោមយុវជន។

សម្រាប់ព័ត៌មានបន្ថែមអំពីមធ្យោបាយពន្យារកំណើតបន្ទាន់ សូមមើលធនធានផ្សេងទៀត និង ជំពូកទី១៣ : ផែនការគ្រួសារ ក្នុងសៀវភៅ ទីណាស្ត្រីគ្មានវេជ្ជបណ្ឌិត ។

យើងបានធ្វើផែនការសកម្មភាពមួយ ដើម្បីធ្វើឲ្យប្រាកដថា ស្ត្រីទាំងអស់នៅក្នុង សហគមន៍ និងបុគ្គលិកសុខាភិបាលដែលអាចព្យាបាលលើស្ត្រី បន្ទាប់ពីការរំលោភសេពសន្ថវៈ ដឹងពីរបៀបប្រើថ្នាំលេបពន្យារកំណើតជាទៀងទាត់ ដោយសុវត្ថិភាព សម្រាប់មធ្យោបាយរពន្យារកំណើតបន្ទាន់។

ការពិត និងជំនឿអំពីផែនការគ្រួសារ

ជំនឿ ពាក្យចចាមអារ៉ាម ឬព័ត៌មានមិនពិត អំពីប្រភេទមួយចំនួននៃការពន្យាកំណើតអាចធ្វើឲ្យមនុស្សភ័យខ្លាចជាខ្លាំង ក្នុងការសាកល្បង បើទោះបីជាពួកគេចង់ក៏ដោយ។ មនុស្សត្រូវការព័ត៌មានត្រឹមត្រូវ ដើម្បីពួកគេអាចជ្រើសរើសយកមធ្យោបាយមួយនិងប្រើប្រាស់វាជាមួយនឹងទំនុកចិត្ត។ អ្នកអាចប្រើឧទាហរណ៍ដូច លើទំព័រនេះ ដើម្បីបង្កើតការសម្តែង ការដើរតួ ឬល្បែងកម្សាន្ត ដែលជួយមនុស្សស្វែងរកការពិតពីពាក្យចចាមអារ៉ាមដែលពួកគេបានឮ។

ជំនឿ៖ មនុស្សមួយចំនួននិយាយថា ថ្នាំលេបពន្យារកំណើតធ្វើឲ្យស្ត្រីឈឺ។
ការពិត៖ ស្ត្រីជាច្រើនមិនដែលមានអារម្មណ៍ឈឺ ដោយសារតែថ្នាំលេបពន្យាកំណើតនោះទេ ប៉ុន្តែស្ត្រីមួយចំនួនឈឺ ក្បាល ឬមានអារម្មណ៍ភ័យខ្លាច នៅពេលពួកគេចាប់ផ្ដើមលេបថ្នាំដំបូង។ អារម្មណ៍នេះជាធម្មតានឹងបាត់ទៅវិញ បន្ទាប់ពីលេបថ្នាំបាន២ខែ។ ស្ត្រីអាចផ្លាស់ប្តូរទៅប្រើថ្នាំលេបប្រភេទផ្សេងទៀត ដែលមិនបង្កឲ្យមានអារម្មណ៍នៃជំងឺណាមួយ។
ជំនឿ ៖ មនុស្សមួយចំនួនបាននិយាយថា មធ្យោបាយផែនការគ្រួសារធ្វើឲ្យស្ត្រីមិនអាច ឬមិនមានលទ្ធភាពអាចមានផ្ទៃពោះបានទៅថ្ងៃក្រោយ បន្ទាប់ពីពួកគេបញ្ឈប់ការប្រើប្រាស់វា។
ការពិត៖ មធ្យោបាយផែនការគ្រួសារតែមួយគត់ ដែលធ្វើឲ្យស្ត្រី មិនអាចមានផ្ទៃពោះជាអចិន្ត្រៃយ៍ គឺការវះកាត់ "បិទបំពង់" ឬយកស្បូនចេញ។ ស្ត្រីភាគច្រើនអាចមានផ្ទៃពោះ បន្ទាប់ពីពួកគេបញ្ឈប់ការប្រើការពន្យារកំណើតប្រភេទណាមួយ។ ស្ត្រីមួយចំនួនប្រហែលជាមិនអាចមានបង្កកំណើតរយៈពេលពីរបីខែបន្ទាប់ពីពួកគេ បញ្ឈប់ការប្រើមធ្យោបាយប្រើជាតិអ័រម៉ូន។
ជំនឿ ៖ មនុស្សមួយចំនួននិយាយថាស្ត្រីមិនអាចមានផ្ទៃពោះ អំឡុងពេលមានរដូវ។
ការពិត៖ ស្ត្រីអាចមានផ្ទៃពោះនៅពេលណាមួយ អំឡុងពេលវដ្តរដូវប្រចាំខែពួកគេ ជាពិសេសប្រសិនបើរដូវរបស់ពួកគេមិនបានកើតឡើងជាទៀងទាត់រៀងរាល់២៨ថ្ងៃ។
ជំនឿ ៖ មនុស្សមួយចំនួននិយាយថាការដុសលាងទ្វារមាស ការងូតទឹកក្តៅភ្លាមៗ បន្ទាប់ពីការរួមភេទ ឬរួមភេទដោយឈរ អាចបង្ការការមានផ្ទៃពោះ។
ការពិត៖ វិធីទាំងនេះ មិនអាចបង្ការការមានផ្ទៃពោះបាននោះទេ។
ជំនឿ ៖ មនុស្សមួយចំនួននិយាយថាជាការវះចង់បំពង់មេជីវិតឈ្មោល ធ្វើឲ្យបុរសទន់ខ្សោយ និងមិនអាចផ្គាប់ចិត្ត ដៃគូរបស់គាត់បាន នៅពេលពួកគេរួមភេទ។
ការពិត ៖ ការវះចង់បំពង់មេជីវិតឈ្មោល រារាំងបុរសពីការបញ្ចេញមេជីវិតឈ្មោលប៉ុណ្ណោះ។ វាមិនប៉ះពាល់អារម្មណ៍ ឬសមត្ថភាពរួមភេទរបស់គាត់ឡើយ។

វិធីរីករាយក្នុងការចែករំលែកព័ត៌មានអំពីផែនការគ្រួសារ

ក្រុមពិភាក្សាអំពីមធ្យោបាយពន្យាកំណើតអាចជួយឲ្យមនុស្សគ្រប់រូបបានយល់អំពីមធ្យោបាយមួយណា ដែលអាចនឹងល្អ បំផុតសម្រាប់ស្ត្រីទៅតាមស្ថានភាពខុសគ្នា។ ជួនកាល គ្រាន់តែពិភាក្សាគ្នាមធ្យោបាយផ្សេងគ្នានៅក្នុងក្រុមដែលរួមមានយុវជន ចាស់ទុំឬម្តាយក្មេក ជួយយកឈ្នះលើឧបសគ្គធម្មតាក្នុងការប្រើប្រាស់ផែនការគ្រួសារ។

ប្រសិនបើស្ត្រីមានភាពប្រាកដថានាងមិនចង់មានកូនទៀត តើនាងអាចប្រើកងដាក់ក្នុងស្បូនបានដែរឬទេ? វាមានរយៈពេលយូរ។ ឬនាងអាចទទួលការវះកាត់។

ខ្ញុំបានឮថា វាមានភាពងាយស្រួលជាងដែលឲ្យបុរសទទួលការវះកាត់។

សកម្មភាពមួយចំនួនដូចជា សិចស៊ីប៊ីងហ្គោ អាចជួយឲ្យមនុស្សមានអារម្មណ៍កាន់តែល្អក្នុងការនិយាយអំពីផែនការគ្រួសារជាក្រុម។

ការបង្ហាញមធ្យោបាយផ្សេងគ្នា

វិធីមួយក្នុងការរៀនអំពីការពន្យារកំណើត គឺការអញ្ជើញបុគ្គលិកសុខាភិបាល ដើម្បីបង្ហាញពីមធ្យោបាយផ្សេងៗគ្នា ដែលមាននៅក្នុងសហគមន៍របស់អ្នក។ មនុស្សគ្រប់គ្នាអាចធ្វើមើលនិងវត្ថុផ្សេងៗគ្នា និងចែករំលែកនូវអ្វីដែលពួកគេដឹងអំពីវត្ថុ នីមួយៗ និងពីតួនាទីរបស់វា។ បុគ្គលិកសុខាភិបាលអាចនិយាយអំពីរបៀបដែលមធ្យោបាយនីមួយៗធ្វើការបង្ការការមានផ្ទៃពោះ និងអាចឆ្លើយសំណួរបាន។ បុគ្គលិកសុខាភិបាល ក៏អាចសួរក្រុម ឲ្យគិតអំពីប្រភេទនៃផែនការគ្រួសារមួយណា អាចនឹងល្អបំផុតចំពោះស្ថានភាពពិសេសណាមួយ។

សម្រាប់ព័ត៌មានដែលអាចទុកចិត្តអំពីមធ្យោបាយផែនការគ្រួសារ សូមមើលធនធានផ្សេងទៀត និងសៀវភៅទីណាដែលស្រ្តីគ្មានវេជ្ជបណ្ឌិត ក្នុងសៀវភៅទីណាស្ត្រីគ្មានវេជ្ជបណ្ឌិត។

ល្បែងក្តារបន្ទះ

ល្បែងក្តារបន្ទះ អាចជាវិធីរីករាយសម្រាប់ក្រុម ដើម្បីពិភាក្សាអំពីទាំងការពិតអំពីមធ្យោបាយពន្យារកំណើត និងហេតុផលដែលស្ត្រីផ្សេងគ្នាអាចនឹងចូលចិត្តមធ្យោបាយផ្សេងគ្នា។ ការពិភាក្សាដែលកើតឡើង ក្នុងល្បែងក្តារបន្ទះនេះ នឹងជួយក្រុម:

• ធ្វើការសាកល្បងនូវអ្វីដែលពួកគេដឹងអំពីមធ្យោបាយផែនការគ្រួសារផ្សេងៗគ្នា។
• ស្វែងរកនូវមូលហេតុដែលស្ត្រីអាចចូលចិត្តមធ្យោបាយផ្សេងៗគ្នា។
• អនុវត្តការផ្តល់ដំបូន្មានដល់ស្ត្រីអំពីជម្រើសនៃការពន្យារកំណើត។
• ស្វែងរកឲ្យឃើញនូវអ្វីដែលស្ត្រីចង់រៀនបន្ថែមទៀត។

សកម្មភាព

ល្បែងក្តារបន្ទះអំពីផែនការគ្រួសារ

ការរៀបចំ
ល្បែងក្តារបន្ទះនៅលើ ២ទំព័របន្ទាប់ បង្ហាញពីឧទាហរណ៍ នៃសំណួរអំពីការពិតនៃសុខភាព និងសំណួរពិភាក្សា។ នៅពេលដែលអ្នកបង្កើតសំណួរអំពីការពិតនៃសុខភាពផ្ទាល់ ចូរប្រាកដថា រួមបញ្ចូលជំនឿនិងការយល់ច្រឡំដែលមានជាទូទៅនៅក្នុងសហគមន៍របស់អ្នក (សូមមើល ការពិត និងជំនឿអំពីផែនការគ្រួសារ សម្រាប់ជាគំនិត)។

ចុះបើ ហ្សូហៀមិនចង់រង់ចាំរហូតដល់ហាយ៉ាត់រៀនចប់ មុនពេលដែលពួកគេមានកូនមួយ?

អញ្ចឹង បងប្អូនជីដូនមួយខ្ញុំបានប្រើផែនការគ្រួសារដោយមិនបានប្រាប់ប្តី នាង! ហាយ៉ាត់អាចប្រើថ្នាំចាក់ ឬកងដាក់ក្រោមស្បែក ហើយគ្មានអ្នកណានឹងដឹងទេ។

ការលេង

នៅពេលក្រុម ឬអ្នកលេង មកដល់សំណួរពិភាក្សាមួយ (សម្គាល់ដោយ "?"), ចូរឲ្យពួកគេសំណូមពរទៅក្រុមទាំងមូលនូវដំណោះស្រាយ ១ ឬ ២ ចំពោះស្ថានភាពនៅលើកាត ហើយបន្ទាប់មកពន្យល់ពីមូលហេតុដែលពួកគេគិតថា ដំណោះស្រាយមួយ អាចល្អជាងដំណោះស្រាយដទៃទៀត។ ចូរអញ្ជើញអ្នកដទៃនៅក្នុងក្រុម ដើម្បីធ្វើសំណូមពរផងដែរ។ នៅពេលពួកគេមកដល់សំណួរការពិតមួយ (សម្គាល់ដោយ "✓") ចូរឲ្យពួកគេឆ្លើយហើយសួរអ្នកដទៃទៀតថា ពួកគេយល់ស្របឬទេ។

បន្ទាប់ពីបានលេងល្បែងក្តារបន្ទះ ចូរអញ្ជើញអ្នកលេង ដើម្បីនិយាយអំពីអ្វីដែលពួកគេបានរៀនពីសកម្មភាពនេះ។ ចូរសួរថាតើមានសំណួរផ្សេងទៀតដែលទាក់ទងទៅនឹងការពន្យាកំណើត ដែលក្រុមនេះនឹងចង់ពិភាក្សា ឬរៀនសូត្របន្ថែមទៀតអំពីដែរឬទេ។ ចូរប្រើប្រាស់ការឆ្លើយតបរបស់ពួកគេ ដើម្បីរៀបចំគម្រោងសម្រាប់សកម្មភាពផ្សេងៗទៀត។

សំណួរសម្រាប់ល្បែងក្តារបន្ទះអំពីផែនការគ្រួសារ

សំណួរការពិតអំពីសុខភាព អាចជួយក្រុមបានរៀនសូត្រពីព័ត៌មានមូលដ្ឋានអំពីមធ្យោបាយផ្សេងគ្នាសម្រាប់បង្ការការមានផ្ទៃពោះ។ (ចម្លើយត្រូវបានបង្ហាញនៅទីនេះ ប៉ុន្តែចូរកុំដាក់ពួកវានៅលើកាតរបស់អ្នក។ ជំនួសមកវិញ ចូរសរសេរពួកវានៅលើសន្លឹកក្រដាសដាច់ដោយឡែកមួយ ដើម្បីជួយអ្នកក្នុងការចងចាំ។ )

ចូរបន្ថែមយោបល់ដូចជា “ការមានផ្ទៃពោះដែលមិនចង់បាន, ថយក្រោយ៤កាំ” ឬ “និយាយ ជាមួយដៃគូអំពីស្រោមអនាម័យ, ទៅមុខ២កាំ”

តើមធ្យោបាយផែនការគ្រួសារ មួយណាល្អប្រសើរជាងគេក្នុងការបង្ការការមានផ្ទៃពោះ?

ការដកចេញ ឬស្រោមអនាម័យ?

(ចម្លើយត្រឹមត្រូវ: ស្រោមអនាម័យ)

ស្ត្រីមិនអាចមានផ្ទៃពោះបានទេ បើនាងរួមភេទអំឡុងពេលមានរដូវ។

ត្រូវ ឬ ខុស?

(ចម្លើយត្រឹមត្រូវ : ខុស)

ការវះចង់បំពង់មេជីវិតឈ្មោល ឆក់យកនូវចំណង់ ឬសមត្ថភាពរួមភាព?

ត្រូវ ឬខុស?

(ចម្លើយត្រឹមត្រូវ : ខុស)

នាងណាអូមីប្រើថ្នាំលេបពន្យារកំណើត។ ប៉ុន្តគ្លីនិករបស់នាងអស់ថ្នាំ។ បុគ្គលិកសុខាភិបាលបានប្រាប់នាងថា ចាប់ពីពេលនេះតទៅ គ្លីនីកនឹងមានតែស្រោមអនាម័យទេ ព្រោះអង្គការផ្តល់ជំនួយដែលគាំទ្រគ្លីនិក គ្មានមធ្យោបាយផ្សេងនឹងផ្តល់ជូនទេ។ នាងណាអូមីបានដឹងថា បុរសដែលនៅក្នុងភូមិរបស់នាងមិនចូលចិត្តប្រើស្រោមអនាម័យទេ។ នាងចង់ធ្វើអ្វីមួយអំពីបញ្ហានេះប៉ុន្តែមិនដឹងថាត្រូវចាប់ផ្តើមពីកន្លែងណា។

តើអ្នកគិតថាអ្វីដែលណាអូមីអាចធ្វើបាន? ហេតុអ្វី?

ម៉ារីយ៉ាស្រឡាញ់មិត្តប្រុសរបស់នាងឈ្មោះចក ខ្លាំងណាស់។ នាងបាននៅជាមួយគាត់អស់ជាងមួយឆ្នាំហើយ ទើបតែពេលថ្មីៗនេះ នាងបានសម្រេចចិត្តរួមភេទជាមួយគាត់ជាលើកដំបូង។ ពួកគេបានប្រើមធ្យោបាយដកចេញ។ ក្រោយមក ម៉ារីយ៉ាបានព្យាយាមសួរចក ពីមធ្យោបាយពន្យាកំណើតដែលពួកគេគួរតែប្រើនាពេលអនាគត។ ប៉ុន្តែចក បានប្រាប់នាងថា វាជាការទទួលខុសត្រូវរបស់ស្ត្រីក្នុងការប្រើប្រាស់ការពន្យារកំណើត មិនមែន បុរសនោះទេ។

តើអ្នកគិតថា ម៉ារីយ៉ាគួរធ្វើយ៉ាងណា? ហេតុអ្វី?

ឡាតា និង រ៉ាទើបតែរៀបការ។ មុនពេលពួកគេបានរៀបការ រ៉ាបានរួមភេទជាមួយស្ត្រីខុសគ្នាជាច្រើន។ ឡាតាគិតថា គាត់នៅតែមានទំនាក់ទំនងផ្លូវភេទជាមួយស្ត្រីរកស៊ីផ្លូវភេទ នៅពេលដែលគាត់ទៅក្រៅជាមួយមិត្តភក្តិគាត់។ ឡាតាបានទទូចលើការប្រើប្រាស់ស្រោមអនាម័យជាមួយរ៉ា ដើម្បីការពារខ្លួននាងពីជំងឺកាមរោគនិងការមានផ្ទៃពោះ។ ប៉ុន្តែឥឡូវនាងចង់មានកូនជាមួយរ៉ា។

តើអ្នកគិតថា ឡាតាគួរតែធ្វើយ៉ាងណា នៅពេលនេះដែលនាងចង់បានកូន? ហេតុអ្វី?

សំណួរពិភាក្សា រៀបរាប់អំពីស្ថានភាពជីវិតពិតនិងមើលហេតុផលមួយចំនួនដែលស្ត្រីអាចពេញចិត្តមធ្យោបាយនៃផែនការគ្រួសារផ្សេងគ្នា។ មិនមានចម្លើយត្រឹមត្រូវឬខុសទេសំណួរទាំងនេះ។ គោលបំណងគឺដើម្បីពិភាក្សាគ្នាពីស្ថានភាពជាក្រុម។

ទំព័រ​នេះ​ត្រូវ​បាន​​ធ្វើ​​បច្ចុប្បន្នភាព៖ ២៧ មិថុនា ២០១៨