ទឹក និងអនាម័យ ៖ គន្លឹះក្នុងការថែរក្សាសុខភាពអ

វិគី ព័ត៌មាន សុខភាព > ទីណាគ្មានវេជ្ជបណ្ឌិត ថ្មី > ទឹក និងអនាម័យអ

ក្នុង​ជំពូក​នេះ

 

ក្នុង​ជំពូក​នេះ

បញ្ហាជាច្រើនដែលធ្វើឲ្យយើងឈឺ អាចត្រូវបានបង្ការយ៉ាងងាយស្រួល។ មធ្យោបាយខ្លះដែលអាចបង្ការជំងឺ ត្រូវការពេលវេលាបន្ថែម កម្លាំង និងប្រាក់ ក្នុងដំណាក់កាលចាប់ផ្តើមដំបូង ប៉ុន្តែវាសន្សំសំចៃពេលវេលានិងប្រាក់ក្នុងរយៈពេលយូរអង្វែង តាមរយៈការជៀសវាងពីជំងឺផ្សេងៗ។

ដើម្បីរៀនពីវិធីបង្ការ៖

• កង្វះអាហារូបត្ថម្ភ ជំងឺទឹកនោមផ្អែម ជំងឺបេះដូង និងបញ្ហាផ្សេងៗទៀតដែលបណ្តាលមកពីអាហារូបត្ថម្ភមិនល្អ, សូមមើលជំពូក អាហារល្អធ្វើឲ្យមានសុខភាពល្អ។
• ជំងឺរលាកសួត ជំងឺរបេង និងបញ្ហាដង្ហើមផ្សេងទៀត, សូមមើលជំពូក បញ្ហាពីការដកដង្ហើម និងការក្អក (កំពុងផលិត)។
• បញ្ហាសុខភាពដែលបង្កឡើងដោយសំរាមនិងកាកសំណល់រឹងផ្សេងទៀត, សូមមើលជំពូក សំរាម, កាកសំណល់វេជ្ជសាស្រ្ត និងការបំពុល (កំពុងផលិត)។
• ជំងឺគ្រុនចាញ់ គ្រុនឈាម និងជំងឺផ្សេងទៀតដែលចម្លងដោយសត្វមូស។

តើជំងឺរាកត្រូវបានចម្លងរាលដាលដោយរបៀបណា

មេរោគនិងដង្កូវបង្កជាជំងឺតាមរយៈការធ្វើដំណើរតាមផ្លូវទាំងនេះ ពីកាកសំណល់របស់មនុស្សឬសត្វ។

មេរោគក៏រាលដាលពីមនុស្សម្នាក់ទៅមនុស្សម្នាក់ទៀតផងដែរ។ ដោយសារសមាជិកគ្រួសារមានទំនាក់ទំនងជិតស្និទ្ធជាមួយគ្នា នោះមេរោគនិងជំងឺអាចឆ្លងរាលដាលយ៉ាងងាយស្រួលដល់ក្រុមគ្រួសារទាំងមូល។

១. ភ្លៀងធ្លាក់ខ្លាំងបណ្តាលឲ្យទឹកហៀរចេញពីលូដែលបើកចំហ។ ឆ្កែដើរឆ្លងកាត់តាមផ្លូវ និងជាន់លាមកជាប់នឹងជើងរបស់វា។	២. ឆ្កែចូលទៅក្នុងផ្ទះ ហើយកុមារលេងជាមួយវា។ កុមារប្រឡាក់លាមកជាប់ដៃរបស់គាត់។	៣. ក្រោយមកកុមារយំ ហើយម្ដាយគាត់ក៏លួង។ កុមារតោងសំពត់របស់ម្តាយ ធ្វើឲ្យកខ្វក់។

៤. ម្តាយដែលកំពុងរវល់ ក៏រៀបចំអាហារពេលល្ងាច។ គាត់យកសំពត់ប្រឡាក់របស់គាត់ ទ្រាប់ដៃកុំឲ្យរលាក។	៥. ក្រុមគ្រួសារហូបអាហារ។ មិនយូរប៉ុន្មាន គ្រប់គ្នាមានជំងឺរាក។

តើអ្វីទៅដែលគួរតែអាចបង្ការជំងឺរបស់ក្រុមគ្រួសារបាន?

បើមានចំណុចណាមួយខាងក្រោមពិត នោះគេអាចបង្ការការឆ្លងរាលដាលនៃជំងឺបាន៖

• ប្រសិនបើសហគមន៍មិនមានលូបើកចំហ
• ប្រសិនបើមិនបានឲ្យឆ្កែចូលមកក្នុងផ្ទះ
• ប្រសិនបើក្រុមគ្រួសារជួយបង្រៀនកូនឲ្យលាងសម្អាតដៃ
• ប្រសិនបើកុមារមិនបានជូតដៃរបស់គាត់ទៅនឹងសំពត់របស់ម្តាយទេ

ជូនចំពោះបុគ្គលិកសុខាភិបាល ការលើកកម្ពស់អនាម័យ និងកែច្នៃទឹក គឺជាវិធីល្អបំផុតមួយចំនួនដែលបុគ្គលិកសុខាភិបាលអាចធ្វើឲ្យសហគមន៍របស់ខ្លួនមានសុខភាពកាន់តែប្រសើរ។ ប៉ុន្តែនៅពេលមានកិច្ចការជាច្រើនពេក ដែលត្រូវបំពេញ ឬផ្លាស់ប្តូរ វាអាចក្លាយជាលក្ខណៈលើសលុប។ ចូរលើកទឹកចិត្តប្រជាជននៅក្នុងសហគមន៍របស់អ្នក ឲ្យបន្តធ្វើកិច្ចការអ្វីដែលពួកគាត់កំពុងតែធ្វើបានល្អ ដើម្បីទទួលបានសុខភាពល្អ ព្រមទាំងស្វែងរកចំណុចសំខាន់មួយឬពីរថែមទៀតដើម្បីធ្វើការកែលម្អបន្ថែម។ ដើម្បីទទួលបានជោគជ័យនិងបានយូរអង្វែង ការកែលម្អអនាម័យនិងទឹកសម្រាប់ប្រជាជន គួរតែ៖ មានលក្ខណៈសាមញ្ញ និងមានតម្លៃសមរម្យ — វាគួរតែត្រូវតាមតម្រូវការនិងសមត្ថភាពរបស់ប្រជាជនក្នុងតំបន់ ហើយងាយស្រួលក្នុងការថែទាំ។ អាចទទួលយកបានក្នុងផ្នែកវប្បធម៌ — វាគួរតែសមស្របនឹងទំនៀមទម្លាប់ ជំនឿ និងបំណងប្រាថ្នារបស់ប្រជាជនក្នុងតំបន់។ ផ្តល់ប្រយោជន៍ដល់មនុស្សគ្រប់គ្នា — វាគួរផ្តល់ដំណោះស្រាយអំពីតម្រូវការសុខភាពសម្រាប់កុមារ ជនពិការ ស្ត្រី បុរស និងចាស់ជរា។

ទំព័រ​នេះ​ត្រូវ​បាន​​ធ្វើ​​បច្ចុប្បន្នភាព៖ ២០ មីនា ២០២៤