មធ្យោបាយពន្យារកំណើតបន្ទាន់

វិគី ព័ត៌មាន សុខភាព > ទីណាគ្មានវេជ្ជបណ្ឌិត ថ្មី > ផែនការគ្រួសារ > ថ្នាំគ្រាប់ពន្យារកំណើត

ទារក​ទើបនឹង​កើត និង ការ​បំបៅ​ដោះ​កូន :~ ថ្នាំពេទ្យ

 

ទារក​ទើបនឹង​កើត និង ការ​បំបៅ​ដោះ​កូន :~ ថ្នាំពេទ្យ

• ថ្នាំគ្រាប់ពន្យារកំណើត
• មធ្យោបាយពន្យារកំណើតបន្ទាន់

អ្នកអាចប្រើថ្នាំគ្រាប់ពន្យារកំណើតបន្ទាន់ ឬម៉ាកខ្លះនៃថ្នាំគ្រាប់ធម្មតា ដើម្បីបង្ការផ្ទៃពោះក្នុងអំឡុង ៥ថ្ងៃបន្ទាប់ពីការរួមភេទដោយមិនបានការពារ។ ចំនួនគ្រាប់ថ្នាំដែលអ្នកត្រូវលេប អាស្រ័យលើអ័រម៉ូនណាមួយ និងបរិមាណនៃអ័រម៉ូននៅក្នុងមួយគ្រាប់។ តារាងនេះបង្ហាញតែម៉ាកពេញនិយមមួយចំនួននៃថ្នាំប៉ុណ្ណោះ។ ត្រូវប្រាកដថាអ្នកដឹងពីប្រភេទនិងបរិមាណនៃអ័រម៉ូននៅក្នុងគ្រាប់ថ្នាំមុននឹងលេបវា។ តារាងនេះបង្ហាញពីដូសសរុបនៃអ័រម៉ូនដែលចាំបាច់ និងចំនួនគ្រាប់ថ្នាំដែលត្រូវលេបដើម្បីឲ្យបានគ្រប់ដូសនោះ។ មានម៉ាកថ្នាំជាច្រើន ហើយម៉ាកខ្លះត្រូវបានប្រើចំពោះថ្នាំច្រើនប្រភេទ។

ផលរំខានញឹកញាប់នៃថ្នាំពន្យារកំណើតបន្ទាន់គឺឈឺក្បាល ចង្អោរ ឬឈឺពោះ ប៉ុន្តែវាគួរតែបាត់ទៅវិញមួយឬពីរថ្ងៃបន្ទាប់។ បញ្ហាធម្មតាមួយទៀតគឺស្ត្រីអាចនឹងមានធ្លាក់ឈាមបន្តិចបន្តួច ឬប្រែប្រួលពេលវេលានៃឈាមរដូវបន្ទាប់។ ថ្នាំគ្រាប់ពន្យារកំណើតបន្ទាន់ពិសេស ឬដូសត្រឹមត្រូវនៃថ្នាំគ្រាប់ដែលមានតែប្រូសេស្ទីន(ថ្នាំគ្រាប់តូច) នឹងបណ្តាលឲ្យមានផលរំខានតិចជាងការប្រើថ្នាំគ្រាប់មានអ័រម៉ូនផ្សំធម្មតា។ ប្រសិនបើអ្នកក្អួតក្នុងអំឡុង ១ម៉ោងបន្ទាប់ពីលេបថ្នាំ នេះមានន័យថាអ្នកត្រូវលេបដូសដដែលឡើងវិញ។ មិនត្រូវលាយប្រភេទផ្សេងៗនៃថ្នាំពន្យារកំណើតបន្ទាន់ឬថ្នាំគ្រាប់ពន្យារកំណើតនោះទេ ព្រោះវាអាចធ្វើឲ្យលែងមានប្រសិទ្ធភាពទាំងស្រុង។

របៀបប្រើប្រាស់មធ្យោបាយពន្យារកំណើតបន្ទាន់

របៀបលេបថ្នាំគ្រាប់ពិសេសសម្រាប់ការពន្យារកំណើតបន្ទាន់
ថ្នាំគ្រាប់ពន្យារកំណើតបន្ទាន់ដែលមាន levonorgestrel ចំនួន ១,៥ mg (១៥០០ mcg) (ម៉ាក NorLevo 1.5, Plan B One-Step, Postinor-1) ដូសសរុបនៃមួយគ្រាប់ = levonorgestrel ១,៥ mg (១៥០០ mcg)	លេបមួយគ្រាប់ តែមួយដងប៉ុណ្ណោះ
ថ្នាំគ្រាប់ពន្យារកំណើតបន្ទាន់ដែលមាន ulipristal acetate ចំនួន ៣០ mg (ម៉ាក ella, ellaOne) ដូសសរុបនៃមួយគ្រាប់ = ulipristal acetate ៣០ mg	លេបមួយគ្រាប់ តែមួយដងប៉ុណ្ណោះ
ថ្នាំគ្រាប់ពន្យារកំណើតបន្ទាន់ដែលមាន levonorgestrel ចំនួន ០,៧៥ mg (៧៥០ mcg)(ម៉ាក NorLevo 0.75, Optinor, Postinor, Postinor-2, Plan B) ដូសសរុបនៃ២គ្រាប់ = levonorgestrel ១,៥ mg (១៥០០ mcg)	លេប២គ្រាប់ តែមួយដងប៉ុណ្ណោះ
ថ្នាំគ្រាប់ពន្យារកំណើតបន្ទាន់ដែលមាន ethinyl estradiol ចំនួន ០,០៥ mg (៥០ mcg) និង levonorgestrel ចំនួន ០,២៥ mg (២៥០ mcg) (ម៉ាក Tetragynon, Neogynon, Nordiol) ដូសសរុបនៃ៤គ្រាប់ = ethinyl estradiol ០,២ mg (២០០ mcg) និង levonorgestrel ១,០ mg (១០០០ mcg)	ដំបូងលេប២គ្រាប់	បន្ទាប់មកលេប២គ្រាប់ទៀតនៅ១២ម៉ោងក្រោយ

របៀបលេបថ្នាំគ្រាប់មានអ័រម៉ូនផ្សំ សម្រាប់ការពន្យារកំណើតបន្ទាន់
សម្រាប់បន្ទះដែលមាន២៨គ្រាប់ ចូរប្រើគ្រាប់ក្នុងចំណោម២១គ្រាប់ដំបូងដើម្បីបង្គ្រប់តាមដូសខាងក្រោម ប៉ុន្តែកុំប្រើ៧គ្រាប់ចុងក្រោយ ព្រោះវាអាចជាថ្នាំរំឭកប៉ុណ្ណោះដែលគ្មានផ្ទុកអ័រម៉ូនទេ។
ថ្នាំគ្រាប់មានអ័រម៉ូនផ្សំដែលផ្ទុក ethinyl estradiol ចំនួន ០,០៣ mg (៣០ mcg) និង evonorgestrel ចំនួន ០,១៥ mg (១៥០ mcg) (ម៉ាក Anna, Combination 3, Gestrelan, Microgynon, Microgynon-30, Nordette, Roselle) ដូសសរុបនៃ៨គ្រាប់ = ethinyl estradiol ០,២៤ mg (២៤០ mcg) និង levonorgestrel ១,២ mg (១២០០ mcg)	ដំបូងលេប៤គ្រាប់	បន្ទាប់មកលេប៤គ្រាប់ទៀតនៅ១២ម៉ោងក្រោយ
ថ្នាំគ្រាប់មានអ័រម៉ូនផ្សំដែលផ្ទុក ethinyl estradiol ចំនួន ០,០៣ mg (៣០ mcg) និង norgestrel ចំនួន ០,៣ mg (៣០០ mcg) (ម៉ាក Lo-Femenal, 5Lo/Ovral) ដូសសរុបនៃ៨គ្រាប់ = ethinyl estradiol ០,២៤ mg (២៤០ mcg) និង norgestrel ២,៤ mg (២៤០០ mcg)	ដំបូងលេប៤គ្រាប់	បន្ទាប់មកលេប៤គ្រាប់ទៀតនៅ១២ម៉ោងក្រោយ
ថ្នាំគ្រាប់មានអ័រម៉ូនផ្សំដែលផ្ទុក ethinyl estradiol ចំនួន ០,០២ mg (២០ mcg) និង levonorgestrel ចំនួន ០,១ mg (១០០ mcg) (ម៉ាក Alesse, Loette, Lutera, Miranova) ដូសសរុបនៃ១០គ្រាប់ = ethinyl estradiol ០,២ mg (២០០ mcg) និង levonorgestrel ១ mg (១០០០ mcg)	ដំបូងលេប៥គ្រាប់	បន្ទាប់មកលេប៥គ្រាប់ទៀតនៅ១២ម៉ោងក្រោយ

របៀបលេបថ្នាំគ្រាប់ដែលមានតែប្រូសេស្ទីន (ថ្នាំគ្រាប់តូច) សម្រាប់ការពន្យារកំណើតបន្ទាន់
ក្នុងបន្ទះនៃថ្នាំគ្រាប់តូចដែលមានតែប្រូសេស្ទីន គ្រប់គ្រាប់ទាំងអស់មានដូសនៃអ័រម៉ូនស្មើៗគ្នា។
ថ្នាំដែលមានតែប្រូសេស្ទីន(ថ្នាំគ្រាប់តូច) ដែលផ្ទុក norgestrel ចំនួន ០,០៧៥ mg (៧៥ mcg) (ម៉ាក Ovrette, Minicon) ដូសសរុបនៃ៤០គ្រាប់ = norgestrel ៣ mg (៣០០០ mcg)	លេប៤០គ្រាប់តែម្តងប៉ុណ្ណោះ (ច្រើនគ្រាប់ តែមានសុវត្ថិភាព)
ថ្នាំដែលមានតែប្រូសេស្ទីន(ថ្នាំគ្រាប់តូច) ដែលផ្ទុក levonorgestrel ចំនួន ០,០៣៧៥ mg (៣៧,៥ mcg) (ម៉ាក Neogest, Norgeal) ដូសសរុបនៃ៤០គ្រាប់ = levonorgestrel ១,៥ mg (១៥០០ mcg)	លេប៤០គ្រាប់តែម្តងប៉ុណ្ណោះ (ច្រើនគ្រាប់ តែមានសុវត្ថិភាព)
ថ្នាំដែលមានតែប្រូសេស្ទីន(ថ្នាំគ្រាប់តូច) ដែលផ្ទុក levonorgestrel ចំនួន ០,០៣ mg (៣០ mcg) (ម៉ាក Microlut, Microval, Nortrel) ដូសសរុបនៃ៥០គ្រាប់ = levonorgestrel ១,៥ mg (១៥០០ mcg)	លេប៥០គ្រាប់តែម្តងប៉ុណ្ណោះ (ច្រើនគ្រាប់ តែមានសុវត្ថិភាព)

ទំព័រ​នេះ​ត្រូវ​បាន​​ធ្វើ​​បច្ចុប្បន្នភាព៖ ០៥ មករា ២០២៤