Hesperian Health Guides
ថ្នាំផ្សះសំរាប់ព្យាបាលភ្នែក
វិគី ព័ត៌មាន សុខភាព > ទីណាគ្មានវេជ្ជបណ្ឌិត ថ្មី > ទារកទើបនឹងកើត និង ការបំបៅទឹកដោះម្តាយដល់ទារក > ថ្នាំផ្សះសំរាប់ព្យាបាលភ្នែក
1%នៃ ថ្នាំតេត្រាស៊ីគ្លីន(tetracycline)ឬ0.5%ទៅ1%នៃថ្នាំអេ រ៉ីត្រូម៉ីស៊ីន(erythromycin)ប្រភេទប៉ូម៉ាត គឺត្រូវបានប្រើសំរាប់ការពារជំងឺបង្កពីមេរោគក្រោយពីកើត ហើយនិងសំរាប់ការពារជំងឺភ្នែកតិចតួចដែលបង្កពីបាក់តេរី។ សូមដាក់ថ្នាំណាមួយក៏បានក្នុងចំណោមថ្នាក់ទាំងពីរយ៉ាងខាងលើ ដាក់ចូលខាងក្នុងភ្នែកទារកតែម្តងគត់ នៅអំឡុងពីរម៉ោងក្រោយពីកើតភ្លាម។
បើ រកថ្នាំផ្សះប្រភេទប៉ូម៉ាតមិនបាន អ្នកអាចប្រើ ទឹករូបមន្តប៉ូវីដង់អ៊ីអូឌីន (solution of povidoneiodine)1តំណក់នៃរូបមន្តចំណុះ2.5%បន្តក់ចូល ភ្នែកម្ខាងៗ ឬទឹករូបមន្តសៀលវ៉ើណៃត្រេត(solutionofsilvernitrate)1តំណក់នៃ ទឹករូបមន្តចំណុះ1%បន្តក់ចូលភ្នែកម្ខាង។ ទឹករូបមន្តសៀលវ៉ើណៃត្រេតដែលទុកយូរ វាហួតជាតិទឹកទៅជាខាប់ខ្លាំង ដូច្នេះសូមកុំប្រើទឹកមន្តសៀលវ៉ើណៃត្រេតដែលចាស់រាប់ថ្ងៃខែ។ វានឹងធ្វើឲ្យរលាកភ្នែកទារក។ បើអ្នកសង្ស័យ ប្រសើរបំផុត កុំប្រើទឹកមន្តសៀលវ៉ើណៃត្រេតឲ្យសោះ។
ដើម្បី ស្វែងយល់ពីវិធីដាក់ថ្នាំភ្នែកប្រភេទប៉ូម៉ាត សូមទាញត្របកភ្នែកក្រោមចេញក្រៅថ្នមៗ ហើយច្របាច់ថ្នាំប៉ូម៉ាតបន្តិចល្មម ដាក់ចូលក្នុងត្របកពីគល់ភ្នែកជិតខ្ទង់ច្រមុះ ឆ្ពោះទៅកន្ទុយភ្នែក។ ចំពោះថ្នាំប្រភេទបន្តក់ សូមទាញត្របកភ្នែកក្រោមចេញក្រៅថ្នមៗ ហើយបន្តក់ទឹកថ្នាំពីរតំណក់ចូលខាងក្នុងភ្នែកម្ខាង។ សូមកុំឲ្យចុងបំពង់ថ្នាំ ឬចុងដបថ្នាំប៉ះនឹងភ្នែកឲ្យសោះ។