Hesperian Health Guides

ទឹក និងអនាម័យ ៖ គន្លឹះក្នុងការថែរក្សាសុខភាពអ

ខ្លឹមសារ​ត្រ​ង់ក​នែ្ល​ង​នេះ​គឺ​បាន​ពី ជំពូកជឿនលឿននៃសៀវភៅទីទីណាគ្មានវេជ្បណ្ឌិត

បញ្ហាជាច្រើនដែលធ្វើឲ្យយើងឈឺ អាចត្រូវបានបង្ការយ៉ាងងាយស្រួល។ មធ្យោបាយខ្លះដែលអាចបង្ការជំងឺ ត្រូវការពេលវេលាបន្ថែម កម្លាំង និងប្រាក់ ក្នុងដំណាក់កាលចាប់ផ្តើមដំបូង ប៉ុន្តែវាសន្សំសំចៃពេលវេលានិងប្រាក់ក្នុងរយៈពេលយូរអង្វែង តាមរយៈការជៀសវាងពីជំងឺផ្សេងៗ។

ដើម្បីរៀនពីវិធីបង្ការ៖

តើជំងឺរាកត្រូវបានចម្លងរាលដាលដោយរបៀបណា

មេរោគនិងដង្កូវបង្កជាជំងឺតាមរយៈការធ្វើដំណើរតាមផ្លូវទាំងនេះ ពីកាកសំណល់របស់មនុស្សឬសត្វ។

 សញ្ញាព្រួញបង្ហាញពីផ្លូវដែលមេរោគធ្វើដំណើរចេញពីលាមកទៅកាន់មាត់

មេរោគក៏រាលដាលពីមនុស្សម្នាក់ទៅមនុស្សម្នាក់ទៀតផងដែរ។ ដោយសារសមាជិកគ្រួសារមានទំនាក់ទំនងជិតស្និទ្ធជាមួយគ្នា នោះមេរោគនិងជំងឺអាចឆ្លងរាលដាលយ៉ាងងាយស្រួលដល់ក្រុមគ្រួសារទាំងមូល។

 ឆ្កែឈរក្នុងទឹក
 Illustration of the below: child touching dog
កុមារប៉ះឆ្កែ

១. ភ្លៀងធ្លាក់ខ្លាំងបណ្តាលឲ្យទឹកហៀរចេញពីលូដែលបើកចំហ។ ឆ្កែដើរឆ្លងកាត់តាមផ្លូវ និងជាន់លាមកជាប់នឹងជើងរបស់វា។

២. ឆ្កែចូលទៅក្នុងផ្ទះ ហើយកុមារលេងជាមួយវា។ កុមារប្រឡាក់លាមកជាប់ដៃរបស់គាត់។

៣. ក្រោយមកកុមារយំ ហើយម្ដាយគាត់ក៏លួង។ កុមារតោងសំពត់របស់ម្តាយ ធ្វើឲ្យកខ្វក់។

 ម្តាយអង្គុយច្រហោងជិតកូន
បុរស ស្រ្តី និងកុមារពីរនាក់មានសភាពឈឺ
៤. ម្តាយដែលកំពុងរវល់ ក៏រៀបចំអាហារពេលល្ងាច។ គាត់យកសំពត់ប្រឡាក់របស់គាត់ ទ្រាប់ដៃកុំឲ្យរលាក។ ៥. ក្រុមគ្រួសារហូបអាហារ។ មិនយូរប៉ុន្មាន គ្រប់គ្នាមានជំងឺរាក។


តើអ្វីទៅដែលគួរតែអាចបង្ការជំងឺរបស់ក្រុមគ្រួសារបាន?

បើមានចំណុចណាមួយខាងក្រោមពិត នោះគេអាចបង្ការការឆ្លងរាលដាលនៃជំងឺបាន៖

  • ប្រសិនបើសហគមន៍មិនមានលូបើកចំហ
  • ប្រសិនបើមិនបានឲ្យឆ្កែចូលមកក្នុងផ្ទះ
  • ប្រសិនបើក្រុមគ្រួសារជួយបង្រៀនកូនឲ្យលាងសម្អាតដៃ
  • ប្រសិនបើកុមារមិនបានជូតដៃរបស់គាត់ទៅនឹងសំពត់របស់ម្តាយទេ


ជូនចំពោះបុគ្គលិកសុខាភិបាល

ការលើកកម្ពស់អនាម័យ និងកែច្នៃទឹក គឺជាវិធីល្អបំផុតមួយចំនួនដែលបុគ្គលិកសុខាភិបាលអាចធ្វើឲ្យសហគមន៍របស់ខ្លួនមានសុខភាពកាន់តែប្រសើរ។ ប៉ុន្តែនៅពេលមានកិច្ចការជាច្រើនពេក ដែលត្រូវបំពេញ ឬផ្លាស់ប្តូរ វាអាចក្លាយជាលក្ខណៈលើសលុប។ ចូរលើកទឹកចិត្តប្រជាជននៅក្នុងសហគមន៍របស់អ្នក ឲ្យបន្តធ្វើកិច្ចការអ្វីដែលពួកគាត់កំពុងតែធ្វើបានល្អ ដើម្បីទទួលបានសុខភាពល្អ ព្រមទាំងស្វែងរកចំណុចសំខាន់មួយឬពីរថែមទៀតដើម្បីធ្វើការកែលម្អបន្ថែម។ ដើម្បីទទួលបានជោគជ័យនិងបានយូរអង្វែង ការកែលម្អអនាម័យនិងទឹកសម្រាប់ប្រជាជន គួរតែ៖

  • មានលក្ខណៈសាមញ្ញ និងមានតម្លៃសមរម្យ — វាគួរតែត្រូវតាមតម្រូវការនិងសមត្ថភាពរបស់ប្រជាជនក្នុងតំបន់ ហើយងាយស្រួលក្នុងការថែទាំ។
  • អាចទទួលយកបានក្នុងផ្នែកវប្បធម៌ — វាគួរតែសមស្របនឹងទំនៀមទម្លាប់ ជំនឿ និងបំណងប្រាថ្នារបស់ប្រជាជនក្នុងតំបន់។
  • ផ្តល់ប្រយោជន៍ដល់មនុស្សគ្រប់គ្នា — វាគួរផ្តល់ដំណោះស្រាយអំពីតម្រូវការសុខភាពសម្រាប់កុមារ ជនពិការ ស្ត្រី បុរស និងចាស់ជរា។


ទំព័រ​នេះ​ត្រូវ​បាន​​ធ្វើ​​បច្ចុប្បន្នភាព៖ ០៦ ឧសភា ២០១៩