Hesperian Health Guides
ថ្នាំពេទ្យសម្រាប់ជំងឺព្រូន
មាតិកា
Mebendazole
Mebendazole មានប្រសិទ្ធភាពប្រឆាំងនឹងព្រូនទំពក់ ព្រូនរំពាត់សេះ ព្រូនមូល និងអៀន។ វាអាចមានប្រសិទ្ធភាពខ្លះប្រឆាំងនឹងព្រូន ព្រូន trichinosis ប៉ុន្តែមិនមែនជាថ្នាំល្អបំផុតនោះទេ។ ថ្វីបើផលរំខានមិនសូវជាមានញឹកញាប់ក៏ដោយ ក៏អាចមានការឈឺចាប់ក្នុងពោះវៀនខ្លះ ឬរាក បើអ្នកជំងឺមានព្រូនយ៉ាងច្រើន។
![NBgrnimportant.png](https://pool.hesperian.org/w/images/thumb/0/08/NBgrnimportant.png/30px-NBgrnimportant.png)
ជៀសវាងប្រើប្រាស់ថ្នាំ mebendazole ក្នុងអំឡុងពេល ៣ខែដំបូងនៃផ្ទៃពោះ គឺក្នុងពេលដែលវាអាចបង្ក គ្រោះថ្នាក់ដល់ទារកដែលកំពុងលូតលាស់។ កុំផ្តល់ឲ្យកុមារអាយុតិចជាង ១ឆ្នាំ។
![NBgrnpill.png](https://pool.hesperian.org/w/images/thumb/1/17/NBgrnpill.png/25px-NBgrnpill.png)
ផ្តល់គ្រាប់ ៥០០ mg មួយគ្រាប់, តែមួយដងប៉ុណ្ណោះ។
Albendazole
ថ្នាំ albendazole ស្រដៀងគ្នានឹងថ្នាំ mebendazole ដែរ ប៉ុន្តែជាទូទៅវាមានតម្លៃខ្ពស់ជាង។ វាមាន ប្រសិទ្ធភាពប្រឆាំងនឹងព្រូនទំពក់, ព្រូនរំពាត់សេះ, ព្រូនមូល, អៀន, និងព្រូន trichinosis។ ផលរំខានគឺជាការកម្រ។
![NBgrnimportant.png](https://pool.hesperian.org/w/images/thumb/0/08/NBgrnimportant.png/30px-NBgrnimportant.png)
ជៀសវាងផ្តល់ថ្នាំ albendazole ក្នុងអំឡុង ៣ខែដំបូងនៃផ្ទៃពោះ ក្នុងពេលដែលវាអាចបង្កគ្រោះថ្នាក់ដល់ទារកដែលកំពុងលូតលាស់។ កុំផ្តល់ឲ្យកុមារអាយុតិចជាង ១ឆ្នាំ។
![NBgrnpill.png](https://pool.hesperian.org/w/images/thumb/1/17/NBgrnpill.png/25px-NBgrnpill.png)
អាយុលើស ២ឆ្នាំ ៖ ផ្តល់ចំនួន ៤០០ mg, មួយដង។ ផ្តល់ឡើងវិញនៅ ២សប្តាហ៍ក្រោយ បើចាំបាច់។
សម្រាប់ព្រូន trichinosis
Pyrantel pamoate, pyrantel embonate
ថ្នាំ Pyrantel មានប្រសិទ្ធភាពសម្រាប់អៀន, ព្រូនទំពក់, និងព្រូនមូល (Ascaris), ប៉ុន្តែវាប្រហែលជាមានតម្លៃខ្ពស់។ ជួនកាលវាបណ្តាលឱ្យក្អួត វិលមុខ ឬឈឺក្បាល។ កុំផ្តល់ឲ្យនរណាដែលកំពុងប្រើថ្នាំ piperazine (ថ្នាំប្រឆាំងព្រូនមួយទៀត) ផងដែរ។
![NBgrnpill.png](https://pool.hesperian.org/w/images/thumb/1/17/NBgrnpill.png/25px-NBgrnpill.png)
សម្រាប់អៀន ៖ ផ្តល់មួយដូស, រង់ចាំ ២សប្តាហ៍, បន្ទាប់មកផ្តល់មួយដូសទៀត។
អាយុក្រោម ២ឆ្នាំ ៖ ផ្តល់ចំនួន ៦២ mg (¼ នៃគ្រាប់ ២៥០ mg)។
អាយុ ២ ទៅ ៥ឆ្នាំ ៖ ផ្តល់ចំនួន ១២៥ mg (½ នៃគ្រាប់ ២៥០ mg)។
អាយុ ៦ ទៅ ៩ឆ្នាំ ៖ ផ្តល់ចំនួន ២៥០ mg (គ្រាប់ ២៥០ mg ១គ្រាប់)។
អាយុ ១០ ទៅ ១៤ឆ្នាំ ៖ ផ្តល់ចំនួន ៥០០ mg (គ្រាប់ ២៥០ mg ២គ្រាប់)។
អាយុលើស ១៤ឆ្នាំ ៖ ផ្តល់ចំនួន ៧៥០ mg (គ្រាប់ ២៥០ mg ៣គ្រាប់)។
សម្រាប់តេនញ៉ា
តេនញ៉ាមានច្រើនប្រភេទ។ ថ្នាំ praziquantel ឬ niclosamide សុទ្ធតែមានប្រសិទ្ធភាពចំពោះតេនញ៉ាគ្រប់ប្រភេទ។ បើការបង្ករោគដោយតេនញ៉ា កើតឡើងនៅក្នុងខួរក្បាល ឬបណ្តាលឲ្យប្រកាច់ នោះគាត់ត្រូវការថ្នាំ albendazole និងថ្នាំប្រឆាំងការប្រកាច់ជំនួសវិញ, ហើយគួរស្វែងរកជំនួយ។
Praziquantel
![Green-effects-nwtnd.png](https://pool.hesperian.org/w/images/thumb/4/42/Green-effects-nwtnd.png/25px-Green-effects-nwtnd.png)
ថ្នាំ Praziquantel អាចបណ្តាលឱ្យអស់កម្លាំង វិលមុខ ឈឺក្បាល បាត់បង់ចំណង់អាហារ និងចង្អោរ ប៉ុន្តែផលរំខានទាំងនេះគឺកម្រណាស់ចំពោះកម្រិតដូសទាបដែលប្រើសម្រាប់ព្យាបាលតេនញ៉ា។
![NBgrnpill.png](https://pool.hesperian.org/w/images/thumb/1/17/NBgrnpill.png/25px-NBgrnpill.png)
អាយុ ៤ឆ្នាំទៅ ៧ឆ្នាំ ៖ ផ្តល់ចំនួន ១៥០ mg (¼ គ្រាប់), តែមួយដងប៉ុណ្ណោះ។
អាយុ ៨ទៅ ១២ឆ្នាំ ៖ ផ្តល់ចំនួន ៣០០ mg, តែមួយដងប៉ុណ្ណោះ។
អាយុលើស ១២ឆ្នាំ ៖ ផ្តល់ចំនួន ៦០០ mg, តែមួយដងប៉ុណ្ណោះ។
អាយុ ៤ ឆ្នាំទៅ ៧ឆ្នាំ ៖ ផ្តល់ចំនួន ៣០០ ទៅ ៦០០ mg (½ ទៅ ១គ្រាប់) ក្នុងមួយដូស។
អាយុ ៨ ទៅ ១២ឆ្នាំ ៖ ផ្តល់ចំនួន ៦០០ ទៅ ១២០០ mg ក្នុងមួយដូស។
អាយុលើស ១២ឆ្នាំ ៖ផ្តល់ចំនួន ១៥០០ mg ក្នុងមួយដូស។
Niclosamide
ថ្នាំ niclosamide មានប្រសិទ្ធភាពប្រឆាំងនឹងតេនញ៉ានៅក្នុងពោះវៀន ប៉ុន្តែមិនមែនប្រឆាំងនឹងគីសនៅក្រៅពោះវៀនទេ។
![NBgrnpill.png](https://pool.hesperian.org/w/images/thumb/1/17/NBgrnpill.png/25px-NBgrnpill.png)
លេបថ្នាំ niclosamide បន្ទាប់ពីអាហារពេលព្រឹកតិចតួច។ ត្រូវទំពារគ្រាប់ថ្នាំឲ្យម៉ត់ល្អ ទើបលេប។ ដូសថ្នាំអាចមានភាពខុសគ្នាអាស្រ័យលើប្រភេទនៃតេនញ៉ា ដូច្នះអាជ្ញាធរសុខាភិបាលក្នុងស្រុករបស់អ្នក អាចមានអនុសាសន៍ល្អ។ បើគ្មានទេ ចូរប្រើដូសខាងក្រោម។
អាយុ ២ ទៅ ៦ឆ្នាំ ៖ ផ្តល់ចំនួន ១ gram (១០០០ mg), តែមួយដងប៉ុណ្ណោះ។
អាយុលើស ៦ឆ្នាំ ៖ ផ្តល់ចំនួន ២ grams, តែមួយដងប៉ុណ្ណោះ។