Antihistamines ៖ ថ្នាំសម្រាប់អាល់ឡែស៊ី

វិគី ព័ត៌មាន សុខភាព > ទីណាគ្មានវេជ្ជបណ្ឌិត ថ្មី > ការថែទាំសម្រាប់កុមារ > Antihistamines ៖ ថ្នាំសម្រាប់អាល់ឡែស៊ី

ការថែទាំសម្រាប់កុមារ ៖ ថ្នាំពេទ្យ

 

ការថែទាំសម្រាប់កុមារ ៖ ថ្នាំពេទ្យ

• ថ្នាំពេទ្យសម្រាប់ការឈឺចាប់ និងគ្រុនក្តៅ
• ថ្នាំអង់ទីប៊ីយោទិកប្រយុទ្ធនឹងការបង្ករោគ
• ថ្នាំសម្រាប់ការប្រកាច់
• Antihistamines ៖ ថ្នាំសម្រាប់អាល់ឡែស៊ី
• ថ្នាំពេទ្យសម្រាប់ជំងឺព្រូន
• វីតាមីននិងរ៉ែបន្ថែម

រមាស់ កណ្តាស និងស្នាមក្រហមដែលបង្កឡើងដោយអាល់ឡែស៊ី ជាទូទៅអាចព្យាបាលដោយពពួកថ្នាំ antihistamines ។ ថ្នាំ antihistamine ណាក៏មានប្រសិទ្ធភាពដែរ។ ដូច្នេះប្រសិនបើអ្នកមិនមាន Chlorpheniramine (ដូចមានរៀបរាប់ខាងក្រោម)ទេ សូមប្រើថ្នាំ diphenhydramine ឬថ្នាំ antihistamine ដទៃទៀតក្នុងកម្រិតដូសត្រឹមត្រូវ (វានឹងខុសគ្នាចំពោះថ្នាំនីមួយ) ។ ថ្នាំ antihistamine ទាំងអស់ធ្វើឱ្យមនុស្សងងុយគេង ប៉ុន្តែថ្នាំខ្លះធ្វើឲ្យងងុយជាងថ្នាំខ្លះទៀត។ ថ្នាំទាំងនេះមិនមានប្រយោជន៍ចំពោះជំងឺផ្តាសាយធម្មតាទេ។

ចំពោះប្រតិកម្មអាល់ឡែស៊ីធ្ងន់ធ្ងរដែលពិបាក

ដកដង្ហើម ចាំបាច់ត្រូវប្រើថ្នាំ epinephrine (adrenaline) ព្រមទាំងថ្នាំ antihistamines ផងដែរ។

Chlorpheniramine, chlorphenamine

---

Chlorpheniramine គឺជាថ្នាំ antihistamine មួយដែលកាត់បន្ថយការរមាស់ កណ្តាស់ ស្នាមក្រហម និងបញ្ហាផ្សេងៗទៀតដែលបណ្តាលមកពីអាល់ឡែស៊ី។ វាអាចត្រូវបានប្រើបន្ទាប់ពីសត្វល្អិតខាំ, ការអាល់ឡែស៊ីនឹងអាហារកម្រិតស្រាលឬនឹងថ្នាំ, ឬ "ការរលាកច្រមុះដោយសារអាល់ឡែស៊ី" (កណ្តាស់ និងរមាស់ភ្នែកពីលំអងនៅក្នុងខ្យល់)។

ឥទ្ធិពលថ្នំាធ្វើទុក

ងងុយគេង (ប៉ុន្តែវាហាក់ដូចជាមិនសូវកើតឡើងដូចថ្នាំ antihistamine ដទៃទៀតទេ)។

វិធីប្រើប្រាស់

អាយុ ១ ទៅ ២ឆ្នាំ ៖ ផ្តល់ចំនួន ១ mg, មួយថ្ងៃ ២ដង រហូតដល់គាត់មានអារម្មណ៍ប្រសើរ។
អាយុ ៣ ទៅ ៥ឆ្នាំ ៖ ផ្តល់ចំនួន ១ mg, រៀងរាល់ ៤ ទៅ ៦ម៉ោង រហូតដល់គាត់មានអារម្មណ៍ប្រសើរ។
អាយុ ៦ ទៅ ១២ឆ្នាំ៖ ផ្តល់ចំនួន ២ mg, រៀងរាល់ ៤ ទៅ ៦ម៉ោង រហូតដល់គាត់មានអារម្មណ៍ប្រសើរ។
អាយុលើស ១២ឆ្នាំ ៖ ផ្តល់ចំនួន ៤ mg, រៀងរាល់ ៤ ទៅ ៦ម៉ោង រហូតដល់គាត់មានអារម្មណ៍ប្រសើរ។

ចំពោះប្រតិកម្មអាឡែស៊ីធ្ងន់ធ្ងរ ដំបូងត្រូវចាក់ ថ្នាំ epinephrine ។ ការចាក់ថ្នាំ chlorpheniramine តាមក្រោយ នឹងជួយបង្ការមិនឲ្យមានប្រតិកម្មឡើងវិញនៅពេលដែល ថ្នាំ epinephrine អស់ឥទ្ធិពល។ (ប្រសិនបើអ្នកគ្មានថ្នាំ chlorpheniramine ចាក់ទេ សូមឲ្យថ្នាំតាមមាត់ក្នុងកម្រិតដូសដែលបានរៀបរាប់ខាងលើ។ )

អាយុ ១ទៅ ៥ឆ្នាំ ៖ ចាក់ចំនួន ២,៥ ទៅ ៥ mg, រៀងរាល់ ៤ ទៅ ៦ម៉ោង រហូតបាត់សញ្ញានៃប្រតិកម្មអាល់ឡែស៊ី។
អាយុ ៦ទៅ ១២ឆ្នាំ៖ ចាក់ចំនួន ៥ ទៅ ១០ mg, រៀងរាល់ ៤ ទៅ ៦ម៉ោង រហូតបាត់សញ្ញានៃប្រតិកម្មអាល់ឡែស៊ី។
អាយុលើស ១២ឆ្នាំ ៖ ចាក់ចំនួន ១០ ទៅ ២០ mg (មិនលើស ៤០ mg ក្នុង ២៤ម៉ោង), រៀងរាល់ ៤ ទៅ ៦ម៉ោង រហូតបាត់សញ្ញានៃប្រតិកម្មអាល់ឡែស៊ី។

ទំព័រ​នេះ​ត្រូវ​បាន​​ធ្វើ​​បច្ចុប្បន្នភាព៖ ០៥ មករា ២០២៤