ស្ហុក

វិគី ព័ត៌មាន សុខភាព > សៀវភៅណែនាំសម្រាប់សហគមន៍ស្តីអំពីសុខភាពបរិស្ថាន > សេចក្តីបន្ថែម ក ៖ សុវត្ថិភាព និងភាពអាសន្ន > ស្ហុក

នៅក្នុងជំពូកនេ:

 

នៅក្នុងជំពូកនេ:

• សេចក្តីបន្ថែម ក ៖ សុវត្ថិភាព និងភាពអាសន្ន
• បង្កើតផែនការសុវត្ថិភាពសម្រាប់ភាពអាសន្ន
• សំណុំសម្ភារៈសង្គ្រោះបឋម
• សម្លៀកបំពាក់ និងឧបករណ៍ការពារ
• ការកំពប់សារធាតុគីមី
• ការព្យាបាលគ្រោះថ្នាក់បង្កដោយសារធាតុគីមី
• ការព្យាបាលការរលាក
• ស្ហុក
• ការសង្គ្រោះដង្ហើម

ស្ហុកគឺជាស្ថានភាពគំរាមកំហែងដល់ជីវិត ដែលអាចជាលទ្ធផលនៃការរលាកយ៉ាងធំ បាត់បង់ឈាមច្រើន ជំងឺធ្ងន់ធ្ងរ ខ្សោះជាតិទឹក ប្រតិកម្មអាឡែហ្សីធ្ងន់ធ្ងរ ការប្រឈមនឹងសារធាតុពុលយ៉ាងស្រួចស្រាល់ ឬ ស្ថានភាពអាសន្នដទៃទៀត។

សញ្ញានៃស្ហុក

• វង្វេងវង្វាន់ស្មារតី ខ្សោយ វិលមុខ ឬសន្លប់
• ជីពចរខ្សោយនិងញាប់
• បែកញើសត្រជាក់ ៖ ស្បែកស្លេក ត្រជាក់ និងសើម
• សម្ពាធឈាមធ្លាក់ចុះទាបយ៉ាងគ្រោះថ្នាក់

ដើម្បីបង្ការឬព្យាបាលស្ហុក

នៅសញ្ញាដំបូងនៃស្ហុក ឬនៅពេលមានការប្រឈមនឹងស្ហុក ៖

• ដាក់ជនរងគ្រោះឲ្យដេក ដោយជើងខ្ពស់ជាងក្បាលបន្តិច ដូចរូបនេះ ៖
• បញ្ឈប់ការហូរឈាម និងព្យាបាលរបួសផ្សេង។
• ប្រសិនបើជនរងគ្រោះមានអារម្មណ៍ត្រជាក់ ចូរដណ្តប់ភួយឲ្យគាត់។
• ប្រសិនបើជនរងគ្រោះមិនអាចផឹកបាន ចូរឲ្យគាត់ក្រេបម្តងបន្តិច។ ប្រសិនបើគាត់ខ្សោះជាតិទឹក ត្រូវផ្តល់ទឹកឲ្យបានច្រើន និងភេសជ្ជៈបង្គ្រប់ជាតិទឹក។
• ប្រសិនបើជនរងគ្រោះមានការឈឺចាប់ ចូរផ្តល់ថ្នាំអាស្ពីរីន(aspirin) ឬថ្នាំបំបាត់ការឈឺចាប់ដទៃទៀត ប៉ុន្តែមិនត្រូវឲ្យថ្នាំដែលមានជាតិរម្ងាប់អារម្មណ៍ទេ ដូចជា កូដេអ៊ីន(codeine)ជាដើម។
• ធ្វើចិត្តឲ្យត្រជាក់ ហើយនិយាយផ្តល់កម្លាំងចិត្តដល់ជនរងគ្រោះ។
  
  

ប្រសិនបើជនរងគ្រោះសន្លប់ ៖

• ដាក់គាត់ឲ្យដេកចំហៀង ដោយឲ្យក្បាលទាប ផ្អៀងខ្នងទៅចំហៀង(សូមមើលរូបខាងលើ)។ ប្រសិនគាត់ហាក់ដូចជាឈ្លក់ ចូរយកម្រាមដៃទាញអណ្តាតគាត់មកមុខ។
• ប្រសិនបើគាត់មានកំអួត ចូរសម្អាតមាត់របស់គាត់ភ្លាម។
• មិនត្រូវឲ្យអ្វីតាមមាត់ទេ រហូតដល់គាត់មានស្មារតីឡើងវិញ។
• ស្វែងរកជំនួយពីគ្រូពេទ្យ។