Hesperian Health Guides
ការជីករ៉ែដែលមានការទទួលខុសត្រូវ
វិគី ព័ត៌មាន សុខភាព > សៀវភៅណែនាំសម្រាប់សហគមន៍ស្តីអំពីសុខភាពបរិស្ថាន > ២១. ការជីករ៉ែ និងសុខភាព > ការជីករ៉ែដែលមានការទទួលខុសត្រូវ
ទោះបីការជីករ៉ែមិនអាចធ្វើឡើងក្នុងរបៀបមួយដែលមានចិរភាពពិតប្រាកដ តែវាអាចធ្វើឡើងតាមរបៀបមួយដែលមានការបំផ្លាញតិចតួច និងផ្តល់ផលចំណេញយ៉ាងល្អប្រសើរដល់កម្មករ និងសហគមន៍។
ដីរបស់យើងត្រូវបានបំផ្លិចបំផ្លាញជារៀងរហូតដែរ!
បង្កើតផែនការបរិស្ថាននិងសង្គម
គ្រប់ប្រតិបត្តិការរ៉ែទាំងអស់គួររួមបញ្ចូលនូវផែនការមួយដែលការពារបរិស្ថាន និងគាំទ្រតម្រូវការរបស់សហគមន៍។ ក្រុមហ៊ុនជីករ៉ែចង់ទទួលយកទ្រព្យសម្បត្តិកាន់តែច្រើនតាមតែអាចធ្វើទៅបាន ដោយចំណាយប្រាក់តិចតួច ដូច្នេះសម្ពាធរបស់សហគមន៍គឺជាការចាំបាច់ ដើម្បីបង្ខំឲ្យប្រតិបត្តិការរ៉ែបង្កើតផែនការបែបនេះឡើង។ ដើម្បីឲ្យផែនការណាមួយមានប្រសិទ្ធភាព សហគមន៍ដែលនៅក្បែរ ត្រូវតែបានចូលរួមក្នុងការសម្រេចចិត្ត។ ផែនការដែលមានការទទួលខុសត្រូវនឹងរួមបញ្ចូល ៖
- ការវាយតម្លៃលើផលប៉ះពាល់បរិស្ថាន(EIA) ដែលធ្វើឡើងដោយមានចូលរួមពីសហគមន៍ដែលនឹងរងការប៉ះពាល់ (សូមមើលសេចក្តីបន្ថែម ខ)។
- សេវាសង្គម ដូចជាគ្លីនិកសុខភាព និងសាលារៀន, និងការផ្តល់ទឹកផឹកសុវត្ថិភាព, អនាម័យ, និងសេវាចាំបាច់ដទៃទៀត។
- ការថែទាំសុខភាពទូលំទូលាយនិងយូរអង្វែង សម្រាប់កម្មករជីករ៉ែ គ្រួសាររបស់ពួកគេ និងសហគមន៍ដែលបានប៉ះពាល់។
- ផែនការក្នុងការបិទរ៉ែ កែប្រែដីឡើងវិញ និងការផ្តល់ការងារសុវត្ថិភាពនិងស្ថិរភាពសម្រាប់អ្នកដែលធ្វើការក្នុងអណ្តូងរ៉ែ។