ថ្នាំសម្លាប់សត្វល្អិតបង្កបញ្ហាសុខភាពជាច្រើន

វិគី ព័ត៌មាន សុខភាព > សៀវភៅណែនាំសម្រាប់សហគមន៍ស្តីអំពីសុខភាពបរិស្ថាន > ១៤. ថ្នាំសម្លាប់សត្វល្អិតគឺជាថ្នាំពុល > ថ្នាំសម្លាប់សត្វល្អិតបង្កបញ្ហាសុខភាពជាច្រើន

នៅក្នុងជំពូកនេ:

មនុស្សម្នាក់ដែលប្រឈមនឹងថ្នាំសម្លាប់សត្វល្អិត អាចមានសញ្ញាច្រើននៃជំងឺ។ សញ្ញាខ្លះបង្ហាញនៅពេលអ្នកនោះបានប្រឈម។ សញ្ញាដទៃទៀតមិនទាន់បង្ហាញភ្លាមៗទេ រហូតច្រើនម៉ោង ច្រើនថ្ងៃ ឬអាចថែមទាំងច្រើនឆ្នាំទៀតផង។ (សម្រាប់ព័ត៌មានបន្ថែមអំពីផលប៉ះពាល់នៃសារធាតុគីមីពុលមកលើសុខភាព សូមមើលជំពូក១៦)។

មនុស្សជាច្រើនបានប្រឈមនឹងថ្នាំសម្លាប់សត្វល្អិត ប៉ុន្តែអាចមិនដឹងខ្លួន។ កម្មករបោកគក់ កម្មករសំរាមនិងកែច្នៃសំរាម និងអ្នកដទៃទៀតដែលមានការប្រឈមផ្ទាល់ជាមួយនឹងថ្នាំសម្លាប់សត្វល្អិត អាចនឹងមានគ្រោះថ្នាក់ពីការពុលខ្លាំងដូចគ្នានឹងកម្មករកសិដ្ឋាន។ ពួកគេគួរតែយល់ដឹងថាមានថ្នាំសម្លាប់សត្វល្អិតនៅក្នុងបរិស្ថានរបស់ខ្លួន ហើយពួកគេគួរតែអនុវត្តតាមការប្រុងប្រយ័ត្ននានាដូចកម្មករកសិដ្ឋានដែរ។

សញ្ញានៃការពុលថ្នាំសម្លាប់សត្វល្អិត

រន្ធប្រស្រីភ្នែកតូចប៉ុនម្ជុល

មាត់និងច្រមុះ ៖
ហៀរសំបោរ បែកពពុះមាត់

ទ្រូងនិងសួត ៖
ឈឺចាប់ ពិបាកដកដង្ហើម ក្អក

ក្រពះ ៖
ចុក រាក ចង្អោរ និងក្អួត

សញ្ញាទូទៅដទៃទៀតនៃការពុលថ្នាំសម្លាប់សត្វល្អិត ៖
វង្វេងវង្វាន់, ខ្សោយ, ពិបាកដើរ, ពិបាកផ្តោតអារម្មណ៍, កន្ត្រាក់សាច់ដុំ, អន្ទះអន្ទែង និងរសាប់រសល់, យល់សប្តិអាក្រក់ និងដេកមិនលក់។

ក្បាលនិងភ្នែក ៖
ឈឺក្បាល ស្រវ៉ាំងភ្នែក រន្ធប្រស្រីភ្នែកតូច ហូរទឹកភ្នែក

ជើងនិងដៃ ៖
រមួលឬឈឺចាប់សាច់ដុំ កន្ត្រាក់

ប្រអប់ដៃ ៖
ខូចក្រចកដៃ រឹងស្ពឹក និងចាក់ឆៀបៗម្រាមដៃ

ស្បែក ៖
រមាស់ កន្ទួល ពក ក្រហម ពង រលាក បែកញើសយ៉ាងច្រើនលើសលប់

ប្រសិនបើអ្នកមានបញ្ហាណាមួយដូចខាងលើនៅពេលធ្វើការជាមួយថ្នាំសម្លាប់សត្វល្អិត អ្នកគួរចាកចេញពីកន្លែងធ្វើការភ្លាម។ កុំចាំរហូតទាល់តែមានអាម្មណ៍ពិបាកទៅ។ ចេញឲ្យឆ្ងាយពីថ្នាំសម្លាប់សត្វល្អិត រួចទៅមន្ទីរពេទ្យឬគ្លីនិកជាបន្ទាន់!

សញ្ញានៃការពុលធ្ងន់ធ្ងរ ៖

ការពុលថ្នាំសម្លាប់សត្វល្អិតយ៉ាងធ្ងន់ធ្ងរ អាចសម្លាប់មនុស្សបាន។

សន្លប់, ទប់ប្លោកនោមនិងពោះវៀនលែងបាន(នោមនិងលាមក), បបូរមាត់ និងក្រចកពណ៌ស្វាយ, ញ័រខ្លួន