Hesperian Health Guides

ជំងឺគ្រុនលឿង

ខ្លឹមសារ​ត្រ​ង់ក​នែ្ល​ង​នេះ​គឺ​បាន​ពី ជំពូកជឿនលឿននៃសៀវភៅទីទីណាគ្មានវេជ្បណ្ឌិត

ជំងឺគ្រុនលឿង កើតឡើងញឹកញាប់បំផុតនៅក្នុងបណ្តាប្រទេសអាហ្វ្រិក និងអាមេរិកខាងត្បូង។ ប្រជាជននៅក្នុងតំបន់ព្រៃភ្លៀងត្រូពិក អាចកើតជំងឺគ្រុនលឿងព្រៃ ប៉ុន្តែប្រភេទដែលឃើញញឹកញាប់បំផុត ហៅថាជំងឺគ្រុនលឿងទីក្រុង។

មនុស្សភាគច្រើនជាសះស្បើយទាំងស្រុងពីជំងឺគ្រុនលឿង រួចបង្កើតភាពស៊ាំ ដែលមានន័យថាពួកគេនឹងមិនកើតជំងឺគ្រុនលឿងទៀតទេ។ មនុស្សមួយចំនួនតូច កើតជំងឺគ្រុនលឿងធ្ងន់ធ្ងរ ប៉ុន្តែតាមធម្មតាប្រសិនបើព្យាបាល ពួកគេក៏ជាសះស្បើយផងដែរ។

រោគសញ្ញានៃជំងឺគ្រុនលឿង
NWTND mosq Page 12-1.png
  • គ្រុនក្តៅ
  • ញាក់
  • ឈឺសាច់ដុំ (ជាពិសេស ឈឺឆ្អឹងខ្នង)
  • ឈឺក្បាល
  • មិនឃ្លានអាហារ
  • ចង្អោរនិងក្អួត
  • ជីពចរយឺត
  • ភ្នែកឈឺពេលប៉ះពន្លឺ
  • ក្រហមស្បែក ភ្នែក និងអណ្តាត


សម្រាប់មនុស្សភាគច្រើន ជំងឺនេះនឹងបាត់ទៅវិញបន្ទាប់ពី ៣ ឬ ៤ថ្ងៃ។

ការព្យាបាល អាចជួយឲ្យអ្នកមានអារម្មណ៍ប្រសើរឡើង។ ប៉ុន្តែត្រូវសង្កេតរកមើលសញ្ញាគ្រោះថ្នាក់។

រោគសញ្ញាគ្រោះថ្នាក់នៃជំងឺគ្រុនលឿងធ្ងន់ធ្ងរ

ចំពោះជំងឺគ្រុនលឿងធ្ងន់ធ្ងរ, ពីរបីម៉ោង ឬមួយថ្ងៃដំបូងបន្ទាប់ពីមានអារម្មណ៍ប្រសើរ គ្រុនក្តៅខ្ពស់ត្រឡប់មកវិញ ជាមួយនឹងរោគសញ្ញាទាំងនេះមួយចំនួន៖

  • ខាន់លឿង (ផ្នែកពណ៌សនៃភ្នែក ឬស្បែកពណ៌ស្រាល ទៅជាពណ៌លឿង)
  • ឈឺពោះ
  • ហូរឈាមចេញពីមាត់ ច្រមុះ ឬភ្នែក
  • ក្អួត
  • ឈាមក្នុងក្អួតឬលាមក (មកពីការហូរឈាមនៅក្នុងក្រពះ)


ប្រសិនបើមានសញ្ញាគ្រោះថ្នាក់ទាំងនេះណាមួយកើតឡើង ត្រូវទៅមន្ទីរពេទ្យជាបន្ទាន់។

ការបង្ការ

ការផ្តល់វ៉ាក់សាំង អាចបង្ការជំងឺគ្រុនលឿង (មើល ជំពូកវ៉ាក់សាំង។ មើលពីការ ចៀសវាងកុំឲ្យមូសខាំ និង បង្ការកុំឲ្យមូសបង្កាត់ពូជ




ទំព័រ​នេះ​ត្រូវ​បាន​​ធ្វើ​​បច្ចុប្បន្នភាព៖ ០៦ ឧសភា ២០១៩