Hesperian Health Guides

ជំងឺរលាកអាងត្រគាក

ខ្លឹមសារ​ត្រ​ង់ក​នែ្ល​ង​នេះ​គឺ​បាន​ពី ជំពូកជឿនលឿននៃសៀវភៅទីទីណាគ្មានវេជ្បណ្ឌិត

ស្ត្រីម្នាក់ឱបពោះ

ជំងឺរលាកអាងត្រគាក គឺជាឈ្មោះសម្រាប់ការបង្ករោគនៅផ្នែកណាមួយនៃការបន្តពូជ នៅក្នុងផ្នែកក្រោមពោះរបស់ស្ត្រី។ ជារឿយៗ វាត្រូវបានហៅថា "ជំងឺអាងត្រគាក" ។

ជំងឺអាងត្រគាកអាចកើតឡើងប្រសិនបើអ្នកមានជំងឺកាមរោគដែលមិនបានព្យាបាលសះស្បើយ ជាពិសេសជំងឺប្រមេះទឹកបាយ ឬជំងឺប្រមេះទឹកថ្លា។ ប៉ុន្តែមិនមែនជំងឺអាងត្រគាកទាំងអស់សុទ្ធតែបណ្តាលមកពីជំងឺកាមរោគនោះទេ។ មូលហេតុដទៃទៀតនៃជំងឺអាងត្រគាក មានដូចជា ការឆ្លងរោគក្រោយសម្រាល ការរលូតកូន និងការរំលូតកូន ឬករណីកម្រ គឺដោយសារតែកងដាក់ក្នុងស្បូនដែលត្រូវគេដាក់ចូលដោយមិនបានអនុវត្តតាមគោលការណ៍រម្ងាប់មេរោគ។

មេរោគដែលបង្កជំងឺអាងត្រគាក ធ្វើដំណើរពីទ្វារមាស ឆ្លងតាមមាត់ស្បូន ចូលទៅក្នុងស្បូន ដៃស្បូន និងអូវ៉ែ។ ប្រសិនបើមិនបានព្យាបាលទាន់ពេលទេ វាអាចបណ្តាលឲ្យមានការឈឺចាប់រ៉ាំរ៉ៃ មានភាពអារ ឈឺធ្ងន់ធ្ងរ ឬស្លាប់។

រោគសញ្ញា (អ្នកអាចមានមួយឬច្រើនក្នុងនេះ)
  • ឈឺចាប់ក្នុងផ្នែកខាងក្រោមនៃពោះ(អាងត្រគាក) - វាអាចមានសភាពស្រាល ឬធ្ងន់
  • ឈឺចាប់ឬហូរឈាមក្នុងពេលរួមភេទ
  • មានសភាពទន់នៅពេលអ្នកចុចពីលើពោះផ្នែកខាងក្រោម
  • គ្រុនក្តៅ
  • មានអារម្មណ៍ថាឈឺធ្ងន់ និងខ្សោយជាខ្លាំង
  • ហូរឈាមខុសធម្មតា ឬធ្លាក់សធុំក្លិនអាក្រក់ពីទ្វារមាស
ការព្យាបាល

ជំងឺនេះជាទូទៅត្រូវបានបង្កឡើងដោយមេរោគច្រើន, ដូច្នេះចាំបាច់ត្រូវការថ្នាំពេទ្យ ៣ប្រភេទ។ មើលផ្នែក ការរួមផ្សំថ្នាំដើម្បីព្យាបាលជំងឺអាងត្រគាក

ចាប់ផ្តើមការព្យាបាលភ្លាមៗ។ ប្រសិនបើអ្នកមិនមានអារម្មណ៍ធូរស្រាលបន្ទាប់ពី ២ថ្ងៃ និង ២យប់ (៤៨ម៉ោង), ឬបើអ្នកឈឺធ្ងន់ និងមានគ្រុនក្តៅខ្លាំង ឬក្អួត, ឬបើអ្នកមានផ្ទៃពោះ ឬទើបតែរំលូតកូន ឬសម្រាលកូន, សូមទៅមណ្ឌលសុខភាពឬមន្ទីរពេទ្យជាបន្ទាន់។ អ្នកនឹងត្រូវការថ្នាំចាក់តាមសរសៃ (IV) ។

ប្រសិនបើអ្នកមានជំងឺរលាកអាងត្រគាក ដៃគូរបស់អ្នកក៏ត្រូវការធ្វើតេស្ត៍រកនិងព្យាបាលជំងឺនេះផងដែរ។



ទំព័រ​នេះ​ត្រូវ​បាន​​ធ្វើ​​បច្ចុប្បន្នភាព៖ ០៨ មិថុនា ២០១៩