កសិកម្មដើម្បីសុខភាពនិងជីវិតប្រសើរ

វិគី ព័ត៌មាន សុខភាព > សៀវភៅណែនាំសម្រាប់សហគមន៍ស្តីអំពីសុខភាពបរិស្ថាន > ១៥. កសិកម្មប្រកបដោយចិរភាព > កសិកម្មដើម្បីសុខភាពនិងជីវិតប្រសើរ

នៅក្នុងជំពូកនេ:

 

នៅក្នុងជំពូកនេ:

• ១៥. កសិកម្មប្រកបដោយចិរភាព
• កសិកម្មដើម្បីសុខភាពនិងជីវិតប្រសើរ
• ការកែលម្អដី
• ការការពារដីពីសំណឹក
• របាំងវ័ណ្ឌវង់
• ប្រើប្រាស់ទឹកឲ្យមានប្រយោជន៍បំផុត
• ការគ្រប់គ្រងសត្វល្អិត និងជំងឺរុក្ខជាតិ
• ជំងឺរុក្ខជាតិ
• ការដាំដើមឈើនិងដំណាំជាមួយគ្នា
• ការសន្សំគ្រាប់ពូជ
• ការរក្សាទុកអាហារប្រកបដោយសុវត្ថិភាព
• ការចិញ្ចឹមសត្វ
• កសិដ្ឋានចិញ្ចឹមត្រី
• កសិកម្មចិរភាពនៅក្នុងទីក្រុង
• ការរកទីផ្សារសម្រាប់ផលិតផលកសិកម្ម
• សាលារៀនស្រែចម្ការ

មធ្យោបាយកសិកម្មចិរភាព មិនត្រឹមតែផ្តល់នូវអាហារប៉ុណ្ណោះទេ ប៉ុន្តែថែមទាំងបង្កើនជីជាតិដី ការពារទឹក បម្រុងគ្រាប់ពូជល្អៗ រក្សាជីវចម្រុះ និងធានាថាដីស្រែចម្ការនឹងមានចិរភាពសម្រាប់ជីវភាពកូនចៅជំនាន់ក្រោយៗទៀត។ ការប្រើប្រាស់ធម្យោបាយកសិកម្មចិរភាព អនុញ្ញាតឲ្យកសិករនិងអ្នកធ្វើសួនដំណាំ ដាំដុះបានច្រើននៅក្នុងទីធ្លាតូច ដោយប្រើប្រាស់តិចតួចឬមិនប្រើសោះនូវជីគីមីនិងថ្នាំសម្លាប់សត្វល្អិត។ វាអាចធ្វើឲ្យមានអាហារបន្ថែមល្អបន្ថែមទៀតសម្រាប់បរិភោគនិងលក់, ចំណាយតិចលើការផលិតអាហារ, និងមិនសូវបំពុលខ្យល់ ទឹក ដី និងខ្លួនប្រាណរបស់យើង។ កសិកម្មចិរភាព កែលម្អសុខភាពរបស់មនុស្ស ព្រោះវា ៖

• កាត់បន្ថយការគំរាមកំហែងនៃភាពរាំងស្ងួត ដោយការបម្រុងទឹក។
• កាត់បន្ថយការពឹងផ្អែកលើសារធាតុគីមី សន្សំសំចៃប្រាក់ និងបង្កើនភាពពឹងផ្អែកលើខ្លួនឯង។ កសិកម្មដែលមិនប្រើសារធាតុគីមី បង្ការបញ្ហាសុខភាពដល់កសិករ កម្មករកសិដ្ឋាន និងមនុស្សគ្រប់គ្នាដែលបរិភោគអាហារឬផឹកទឹកក្នុងតំបន់ ដែលទាំងអស់នេះបង្កឡើងដោយសារធាតុគីមី។
• កាត់បន្ថយពេលវេលាចាំបាច់ក្នុងការផលិតអាហារ នៅពេលប្រើប្រាស់មធ្យោបាយចិរភាព ដូចជាជីបៃតងជាដើម។ ចំណុចនេះសំខាន់ខ្លាំងណាស់នៅពេលដែលបញ្ហាបន្លាស់ទីលំនៅ បញ្ហាមេរោគអេដស៍និងជំងឺអេដស៍ និងបញ្ហាដទៃទៀត ធ្វើឲ្យប្រជាជនពិបាកធ្វើការក្នុងស្រែចម្ការ។

កសិកម្មចិរភាពធ្វើឲ្យដីកាន់តែមានផលិតភាព ដូច្នេះនឹងកាត់បន្ថយចំនួនប្រជាជនដែលបានបង្ខំឲ្យទៅរកការងារនៅទីក្រុង។ ការកែលម្អដី បម្រុងទឹក និងសន្សំគ្រាប់ពូជ ធ្វើឲ្យកសិដ្ឋាននិងសហគមន៍កសិកម្ម មានចិរភាព។

គោលការណ៍នៃកសិកម្មចិរភាព

ជីបៃតងដែលយើងដាំនៅរដូវមុន ពិតជាជួយដីបានល្អមែន។

ដើមពោតដុះធំៗជាងមុន និងមានផ្លែធំៗមិនធ្លាប់មានពីមុនទេ!

ហើយយើងមិនសូវមានការងារកាត់រុក្ខជាតិរំខានទេ ព្រោះមានដំណាំដុះក្នុងចម្ការពេញមួយឆ្នាំ។

កសិកម្មចិរភាព មានប្រសិទ្ធភាពបំផុតនៅពេលកសិករសិក្សាពីរបៀបធ្វើកសិកម្មស្របទៅតាមស្ថានភាពក្នុងតំបន់ និងចែករំលែកចំណេះដឹងរបស់ខ្លួនជាមួយកសិករដទៃទៀត។ គោលការណ៍ណែនាំទូទៅខ្លះៗសម្រាប់កសិកម្មចិរភាព មានដូចជា ៖

• រុក្ខជាតិល្អត្រូវការដីល្អ។ ក្នុងការប្រើប្រាស់ជីធម្មជាតិដើម្បីកែលម្អគុណភាពដី សូមមើលកែលម្អគុណភាពដី។ បន្ថែមលើនេះសូមមើលការបង្ការសំណឹកដី និង ការការពារសំណឹកដី។
• សន្សំសំចៃទឹក និងការពារប្រភពទឹក ។
• សន្សំគ្រាប់ពូជនៅរដូវនីមួយៗ សម្រាប់ដាំដុះនៅរដូវបន្ទាប់។ សម្រាប់ព័ត៌មានបន្ថែម សូមមើលការសន្សំគ្រាប់ពូជ និងអ្នកសន្សំគ្រាប់ពូជក្នុងសហគមន៍។
• គ្រប់គ្រងសត្វល្អិតនិងជំងឺរុក្ខជាតិ ដោយធម្មជាតិ។
• ដាំដំណាំចម្រុះ។ ដំដំណាំលាយគ្នា និងផ្លាស់ប្តូរទីតាំងដាំរបស់វាជារៀងរាល់ឆ្នាំ។ ធ្វើបែបនេះរក្សាសារធាតុចិញ្ចឹមនៅក្នុងដី និងកែលម្អសុខភាពមនុស្ស តាមរយៈការផ្តល់អាហារចម្រុះសម្រាប់បរិភោគ។ វាក៏គ្រប់គ្រងសត្វល្អិតនិងជំងឺរុក្ខជាតិផងដែរ។
• ដំបូង ធ្វើការផ្លាស់ប្តូរតែបន្តិចបន្តួចសិន។ ដំណាំភាគច្រើនត្រូវបានកែលម្អរាប់រយរាប់ពាន់ឆ្នាំមកហើយ ដោយកសិករសាកល្បងមធ្យោបាយថ្មី។ ប៉ុន្តែមិនមែនមធ្យោបាយថ្មីៗទាំងអស់សុទ្ធតែជោគជ័យទេ។ ដំបូង សាកល្បងគំនិតថ្មីៗនៅក្នុងចម្ការតូចមួយ ឬសួនដំណាំ។ ប្រសិនបើវាមិនជោគជ័យទេ អ្នកនៅតែមានអាហារនៅលើដីមួយផ្នែកធំដែលនៅសល់។